Gwybodaeth am y Dreth Ymwelwyr ar gyfer Busnesau
Mae Cyngor Bwrdeistref Sirol Conwy ar hyn o bryd yn archwilio a ddylid ymgynghori ar Ardoll Llety Ymwelwyr. Darperir yr wybodaeth hon i helpu busnesau i ddeall y cynnig a sut y gallai’r camau nesaf edrych. Nid yw unrhyw benderfyniadau wedi’u gwneud ynghylch cyflwyno ardoll.
Yr Amserlen i Wneud Penderfyniad a’r Hyn mae’n ei olygu i Fusnesau
-
Mai 2026 – Ymgynghoriad wedi'i gymeradwyo
Cymeradwyodd Cyngor Conwy ar 14 Mai 2026 i ni fwrw ymlaen ag ymgynghoriad ar y posibilrwydd o gyflwyno Ardoll Ymwelwyr yn y sir.
Ymarfer ymgynghori yn unig yw hwn, ac nid oes unrhyw benderfyniad wedi'i wneud ar hyn o bryd. Bwriedir casglu adborth cynhwysfawr gan drigolion, busnesau, rhanddeiliaid ac ymwelwyr.
Bydd yr ymgynghoriad yn rhedeg am 9 wythnos o 20 Mai 2026 tan 17 Gorffennaf 2026. Cyhoeddir manylion y digwyddiadau yn fuan.
- Yn fuan ym mis Medi 2026 – Pwyllgor Trosolwg a Chraffu Economi a Lle
Fe fydd holl adborth yr ymgynghoriad (yn cynnwys ymatebion yr arolwg, cyfarfodydd a sylwadau ysgrifenedig) yn cael eu hadolygu a’u crynhoi mewn adroddiad i’r Pwyllgor Trosolwg a Chraffu Economi a Lle. Fe fydd y pwyllgor yn trafod y canfyddiadau ac yn gwneud argymhellion yn seiliedig ar y dystiolaeth.
- Diwedd mis Medi 2026 – Cyngor Llawn
Y Cyngor llawn fydd yn penderfynu mabwysiadu’r Ardoll Ymwelwyr ai peidio.
Os caiff ei gymeradwyo, y dyddiad cychwyn cynharaf posibl fyddai 1 Hydref 2027, ar ôl y cyfnod rhybudd gofynnol o 12 mis i’r Awdurdod Refeniw Cymru. Fe fydd Awdurdod Refeniw Cymru yn rheoli’r gwaith o gofrestru llety ymwelwyr a chasglu’r ardoll ymwelwyr.
Ardoll Ymwelwyr – Cwestiynau Cyffredin
1. Cyflwyniad ac ymgynghoriad
1.1 A yw Conwy wedi penderfynu cyflwyno Ardoll Ymwelwyr?
Na. Nid yw Cyngor Bwrdeistref Sirol Conwy wedi gwneud unrhyw benderfyniadau eto. Bydd cynnig i gynnal ymgynghoriad i geisio barn y diwydiant twristiaeth, trigolion lleol ac ymwelwyr ynglŷn â’r Ardoll Ymwelwyr, yn cael ei gyflwyno i’r Cyngor Llawn yn fuan yn 2026. Gofynnir i’r Cyngor os dylid dechrau proses ymgynghori yn Sir Conwy, nid a ddylid cyflwyno Ardoll Ymwelwyr. Bydd unrhyw benderfyniad terfynol i gyflwyno Ardoll yn cael ei wneud gan y Cyngor Llawn, yn ddiweddarach.
1.2 Sut fyddai’r ardoll yn effeithio arf y musnes?
Pe bai’n cael ei gyflwyno, byddai’r ardoll yn cael ei ychwanegu at gost aros dros nos a’i gasglu gan Awdurdod Refeniw Cymru. Bydd angen i chi brosesu datganiadau chwarterol neu flynyddol yn dibynnu ar faint o ardollau a gesglir gennych yn flynyddol.
1.3 A fydd angen i mi gofrestru fy llety?
Bydd. Bydd angen i holl ddarparwyr llety yng Nghymru gofrestru gydag Awdurdod Refeniw Cymru o hydref 2026, os cyflwynir ardoll ai peidio.
1.4 Sut allaf leisio fy marn?
Os ydym yn cyhoeddi ymgynghoriad, bydd busnesau yn cael gwahoddiad i rannu adborth. Bydd eich cyfraniad yn helpu i siapio penderfyniad Conwy.
1.5 Ydym ni'n ceisio barn ymwelwyr?
Ydym. Mae ymgynhoriad Ardoll Ymwelwyr Conwy yn agored i bob ymwelydd, preswylydd a busnes. Rydym yn annog busnesau, sefydliadau, grwpiau cymunedol a rhanddeiliad i rannu'r ymgynhoriad gyda'u hymwelwyr er mwyn sichrau bod eu barn yn cael ei chofnodi.
1.6 Oherwydd yr hinsawdd economaidd a'r pwysau ar weithredwyr ac ymwelwyr, a oes posibilrwydd y gallai'r ardoll gael ei gohirio?
Nid yw Cyngor Bwrdeistref Sirol Conwy wedi gwneud penderfyniad eto ynghylch mabwysiadu Ardoll Ymwelwyr. Mae penderfyniad wedi'i drefnu ar gyfer 24 Media 2026 a bydd yn ystyried ymatebion yr ymgynhoriad, yr effeithiau a chanllawiau Llywodraeth Cymru.
1.7 A oes Cynllun B i greu incwm ychwanegol i gefnogi'r sector os na fydd yr ardoll yn mynd yn ei blaen?
Nid oes unrhyw fecanwaith arall yn cael ei gynnig yn lle model yr ardoll ymwelwyr. Felly bydd y sector yn parhau i dderbyn cyllid drwy'r trefniadau presennol.
2. Deall yr Ardoll Ymwelwyr
2.1 Pam mai ar arosiadau dros nos yn unig mae'r ardoll yn cael ei chodi ac nid ar ymwelwyr dydd? A oes ffordd o dargedu ymwelwyr dydd?
Cafodd Deddf Llety Ymwelwyr (Cofrestru ac Ardoll) etc. (Cymru) 2025 y Cydsyniad Brenhinol ar 18 Medi 2025. Mae'r Ddeddf yn gosod ardoll ymwelwyr yn benodol ar lety cymwys dros nos ac nid ar ymweliadau dydd. Penderfyniad polisi gan Lywodraeth Cymru yw hyn.
2.2 Pam nad ydych yn edrych ar ymwelwyr dydd a'r rhai sy'n camddefnyddio'r system, e.e. gwersylla gwyllt?
Mae Deddf Llety Ymwelwyr (Cofrestru ac Ardoll) etc (Cymru) 2025 yn berthnasol i lety cymwys dros nos un unig. Nid yw'r ddeddfwriaeth yn darparu pwerau i godi ardoll ar ymwelwyr dydd, gwersylla gwyllt nad ar fathau eraill o ymweld anffurfiol. Mae materion sy'n ymwneud â chydymffurfiaeth a gorfodi yn cael eu datblygu ar wahân gan Awdurdod Cyllid Cymru (ACC).
2.3 Pa sicrwydd sydd na fydd yr ardoll yn cynyddu o flwyddyn i flwyddyn?
Llywodraeth Cymru sy'n pennu cyfraddau'r ardoll ymwelwyr yng Nghymru. Byddai'n rhaid i unrhyw newidiadau i'r cyffraddau gael eu cymeradwyo gan y Senedd.
Yn ogystal â bod gan Weinidogion Cymru y pŵer i newid cyfraddau is ac uwch yr ardoll, gallant hefyd roi'r gallu i gynghorau prif ardolli ychwanegu swm at gyfraddau is ac uwch yr ardoll yn eu hardal.
Dim ond os bydd Gweinidogion Cymru yn gwneud rheoliadau sy'n rhoi'r pŵer hwnnw iddynt y bydd cynghorau prif ardolli yn gallu ychwanegu swm at y cyfraddau presennol. Yn amodol ar wneud rheoliadau yn y dyfodol, ni fydd cynghorau prif ardolli yn gallu cymryd camau i newid yr ardoll yn ystod y 12 mis cyntaf ar ôl iddi gael ei chyflwyno yn eu hardal.
Cyn gwneud rheoliadau, rhaid i Weinidogion Cymru ymgynghori â:
- Phob cyngor prif ardolli;
- Phob Awdurdod Parc Cenedlaethol yng Nghymru;
- Sefydliadau sy'n cynrychioli busnesau twristiaeth yn Nghymru;
- Sefydliadau sy'n hyrwyddo neu'n hwyluso twristiaeth yn Nghymru
- Unrhyw bersonau eraill y bernir eu bod yn briodol ymgynghori â nhw.
Pe bai cyngor prif ardolli yn penderfynu cymhwyso swm ychwanegol at gyfradd yr ardoll yn ei ardal yn dilyn unrhyw reoliadau yn y dyfodol, byddai'n rhaid iddo ddilyn proses leol o ymgynghori, gwneud penderfyniadau a rhoi hysbysiad, yn debyg i'r broses a ddefnyddir i gyflwyno Ardoll Ymwelwyr. Bydd Awdurdod Cyllid Cymru (ACC) hefyd yn darparu gwybodaeth i ddarparwyr llety ymwelwyr cofrestredig yn yr Ardal Ardoll Ymwelwyr berthnasol am unrhyw newidiadau.
3. Pryd mae'r Ardoll yn Berthnasol?
3.1 Pryd mae archebion yn destun yr ardoll?
Chwe mis ar ôl i gyngor hysbysu Awdurdod Cyllid Cymru o'i fwriad i fabwysiadu Ardoll Ymwelwyr, bydd angen i ddarparwyr llety ddechrau cymhwyso'r ardoll i archebion newydd. Mae hyn yn cynnwys unrhyw nosweithiau ychwanegol neu ymwelwyr ychwanegol a ychwanegir at archebion presennol sy'n ymestyn y tu hwnt i dyddiad gweithredu'r ardoll.
Er enghraifft, pe bai Cyngor Conwy yn penderfynu mabwysiadu Ardoll Ymwelwyr o 1 Hydref 2026, byddai angen i ddarparwyr llety ddechrau cymhwyso'r ardoll i archebion newydd a wneir o 1 Ebril 2027 ymlaen.
3.2 Beth os yw gwestai yn archebu am fwy na 31 noson?
Bydd arhosiad y tu allan i gwmpass yr ardoll os yw un contract yn rhoi hawl i'r un unigolyn neu unigolion a enwir i aros am fwy na 31 noson, p'un a yw'r nosweithiau hynny'n olynol ai peidio, ac os oes ganddynt hawl i aros ar bob noson a gwmpesir gan y contract hwnnw. Os na fodlonir yr amodau hynny, gall yr arhosiad barhau i ddod o fewn cwmpas yr ardoll.
3.3 A yw arosiadau fy nghyflogeion, contractwyr neu brentisiaid yn destun yr ardoll?
Na, os ydynt yn aros yn eich llety fel rhan o'u gwaith. Er enghraifft, aelodau o'ch staff sy'n gweithio yn eich llety ymwelwyr yn ystod yr arhosiad, neu gyflogeion sy'n aros dros nos er mwyn mynychu cyfarfodydd busnes new ddigwyddiadau gyda'r nos.
3.4 A yw perchnogion dibreswyl yn talu'r ardoll wrth ymweld â'u heiddo eu hunain?
Na. Os ydych yn berchen ar gartref gwyliau ac yn ei ddefnyddio eich hun, ni fyddwch yn talu'r ardoll gan nad oes archeb yn digwydd. Fodd bynnag, bydd yr ardoll yn berthnasol os caiff yr eiddo ei ystyried yn llety ymwelwyr ac os yw ar gael i drydydd partïon ar sail tymor byr. Er enghraifft, os yw'n cael ei hysbysebu neu ei farchnata ar gyfer arosiadau o 31 noson new lai, p'un a yw'r nosweithiau hynny'n olynol ai peidio.
3.5 Rwy'n breswylydd yn Sir Conwy. Os cyflwynir ardoll ymwelwyr, a fydd angen imi ei thalu wrth aros mewn llety ymwelwyr yn y sir?
Ydy. Mae'r ardoll yn seiliedig ar aros mewn llety ymwelwyr cymwys yn hytrach nag ar ble mae unigolyn fel arfer yn byw.
4. Casglu a Thalu'r Ardoll
4.1 Pwy sy'n gyfrifol am gasglu a thalu'r ardoll?
Darparwr y llety ymwelwyr sy'n gyfrifol am dalu'r i Awdurdod Cyllid Cymru (ACC). Yn y rhan fwyaf o achosion, dyma'r unigolyn neu'r busnes sy'n darparu, neu'n cynnig darparu, 'r llety ac sy'n meddiannu'r eiddo. Gallwch ddewis trosglwyddo cost yr ardoll i ymwelwyr, ond chi fydd yn parhau'n gyfrifol am dalu'r ardoll hyd yn oed os na fyddwch yn ei chodi ar wahân.
4.2 Pwy sy'n casglu'r ardoll ymwelwyr?
Os cyflwynir Ardoll Ymwelwyr mewn ardal awdurdod lleol, bydd yn cael ei chasglu gan Awdurdod Cyllid Cymru (ACC). Yna bydd yr arian yn cael ei drosglwyddo i'r cyngor sir perthnasol, ar ôl didynnu'r ffi weinyddol.
4.3 Pam fod angen i Awdurdod Cyllid Cymru gasglu'r ardoll
Mae Llywodraeth Cymru wedi penodi Awdurdod Cyllid Cymru (ACC) i gasglu'r Ardoll Ymwelwyr yn Nghymru. Gan fod ACC eisoes yn casglu Treth Trafodiadau Tir a Threth Gwarediadau Tirlenwi, mae ganddo'r sgiliau a'r profiad angenrheidiol i reoli'r broses o gasglu'r Ardoll Ymwelwyr yn ganolig.
4.4 Faint o ffi weinyddol fydd Awdurdod Cyllid Cymru yn ei chymryd?
Bydd Awdurdod Cyllid Cymru (ACC) yn cadw hyd at 10% o gyfanswm yr ardoll a gesglir o fewn ardal gyrchfan er mwyn talu costau gweinyddu'r ardoll.
5. Asiantau teithio Ar-lein (OTAs)
5.1 Sut bydd yr ardoll yn cael ei chyflwyno fel cost ychwanegol ar lwyfannau archebu ar-lein?
Gan fod gan asiantau teithio ar-lein lwyfannau gwahanol, bydd y ffordd y caiff yr ardoll ei chyflwyno ym amrywio yn ôl darparwr. Os bydd yr ardoll yn cael ei gweithredu yng Nghonwy, bydd angen i ddarparwyr llety geisio cyngor gan eu platfform archebu unigol. Mae'n bosibl y bydd llawer o ddarparwyr meddalwedd a llwyfannau archebu yn cyflwyno newidiadau i helpu i reoli'r ardoll, fel sydd wedi digwydd mewn gwledydd eraill.
5.2 Mae OTAs yn cymryd comisiwn ar bob archeb. A fydd y comisiwn yn cael ei gymhwyso i gyfanswm cost yr archeb, gan gynnwys yr ardoll?
Mae'r Ardoll Ymwelwyr yn cael ei dangos ar lwyfannau archebu yn unol â Chyfraith Defnyddwyr. Cysylltwch â'ch llwyfan archebu i gael rhagor o wybodaeth am sut y bydd hyn yn cael ei gyflwyno.
Bydd polisi comisiwn llwyfannau archebu yn amrywio. Cysylltwch â'ch llwyfannau archebu am ragor o wybodaeth.
5.3 A fydd yr ardoll ymwelwyr yn cael ei chynnwys yn y pris cyfanswm a ddangosir?
Bydd. Fe fydd y cyfanswm pris a ddangosir yn cynnwys cost yr Ardoll Ymwelwyr.
5.4 Sut gall eiddo hunanddarpar wirio bod y swm cywir o ardoll wedi'i gasglu?
Bydd cyfanswm yr ardoll a gesglir yn cyfateb i gyfanswm nifer y bobl sydd wedi'u cynnwys yn yr archeb. Bydd disgwyl i ddarparwyr llety gadw cofnodion archebu syn'n dangos nifer i gwesteion, hyd yr arhosiad a swm yr ardoll a gasglwyd. Nid yw trefniadau hunan-gofrestru (self check-in) yn newid y gofynion hyn.
5.5 Gan fod swm yr Ardoll Ymwelwyr yn dibynnu ar nifer y bobl sy'n aros yn y llety, sut dylid dangos y pris i gwsmeriaid wrth hysbysebu'r llety? Er enghraifft, os yw bwthyn hunanddarpar wedi'i brisio ar £1,000 am wythnos, a ddylai'r pris a hysbysebir nodi: £1,000 + TAW (£200) + ardoll ymwelwyr (£26.00, neu £31.20 gan gynnwys TAW), gan roi cyfanswm o £1,231.20 ar sail 10 gewstai?
O dan Ddeddf Marchnadoedd Digidol, Cystadleuaeth a Defnyddwyr 2024, rhagdybir y bydd angen i ddarparwyr nodi'n glir gyfanswm y pris y bydd cwsmer yn ei dalu, gan gynnwys ffioedd, treth lleol (sy'n cynnwys yr ardoll) ac unrhyw daliadau perthnasol eraill. Felly, os yw darparwr llety yn trosglwyddo cost yr ardoll i'r defnyddiwr, bydd angen cynnwys y gost honno yn y pris y mae'r cwsmer yn ei weld cyn gwneud archeb.
Yn yr enghraifft uchod, byddai hyn golygu y dylid dangos y pris fel £1,231.20, os yw holl gostau'r ardoll yn cael eu trosglwyddo i'r cwsmer a bod yr archeb yn cael ei hysbysebu ar sail 10 o bobl.
5.6 Sut bydd ad-daliadau ar safleoedd archebu OTA yn cael eu rheoli?
Os caiff llety ymwelwyr ei archebu drwy asiant teithio ar-lein ac os caiff yr ymweliad ei ganslo cyn dyddiad yr archeb, ni fydd angen ad-dalu unrhyw Ardoll Ymwelwyr gan na fydd wedi cael ei chasglu. Dim ond ar ôl i'r arhosiad ddigwydd y bydd cwsmeriaid yn cael eu codi am yr ardoll.
6. Newidiadau, canslo ac ad-adaliadau
6.1.1. Beth sy'n digwydd os yw gwestai'n cyrraedd yn hwyr?
Byddai'r Ardoll Ymwelwyr yn dal yn berthnasol, a rhaid i'r swm a gesglir gyfateb i gyfanswm nifer y nosweithiau sydd wedi'u cynnwys yn yr archeb neu'r contract gwreiddiol.
Scenario 1
Mae Joe yn archebu fflat hunanddarpar am bum noson ond yn cyrraedd ddiwrnod yn hwyr. Nid yw'r darparwr llety yn newid yr archeb wreiddiol ac mae Joe yn parhau i dalu am y pum noson. Gan nad yw'r contract wedi newid, mae'r ardoll yn parhau'n daladwy am y pum noson.
Scenario 2
Mae Hannah yn archebu arhosiad gwesty am bum noson ond yn cyrraedd ddiwrnod yn hwyr. Mae'r gwesty yn cytuno i ddiwygio'r archeb fel ei bod ond yn talu am bedair noson yn hytrach na phump. Gan fod y contract wedi newid o bum noson i bedair noson, mae'r ardoll yn daladwy am bedair noson.
6.2.1 Sut bydd ad-daliadau yn cael eu rheoli os caiff archeb ei chanslo cyn y dyddiad cyrraedd?
Nid oes unrhyw Ardoll Ymwelwyr yn ddyledus ar arosiadau dros nos nad ydynt yn digwydd. Os caiff archeb ei chanslo ac nad oes unrhyw arhosiad dros nos yn digwydd, ni fydd yr ardoll yn codi. Os yw'r darparwr llety eisoes wedi casglu'r ardoll, rhaid iddo ei had-dalu i'r ymwelydd.
6.3.1 A all ymwelwyr gael ad-adaliadau?
Gall ymwelwyr wneud cais i Awdurdod Cyllid Cymru (ACC) am ad-daliad ar ól eu harhosiad os oeddent, ar adeg eu harhosiad:
- Yn aros fel gofalwr sy'n gofalu am berson anabl;
- Yn ddigartref dros dro;
- Yn ffoi rhag niwed neu drais domestig.
Bydd Awdurdod Cyllid Cymru yn cyhoeddi rhagor o ganllawiau ynghylch ad-daliadau i ymwelwyr cyn mis Ebrill 2027.
6. Canslo archebion
6.2.2 Sut mae'r ardoll yn cael ei rheoli os nad yw gwestai'n ymddangos ("no show")?
Nid oes unrhyw Ardoll Ymwelwyr yn ddyledus mewn achosion lle nad yw'r ymwelydd yn cyrraedd ("no show"). Mae'r canllawiau yn nodi nad oes rhaid i ddarparwyr llety dalu'r ardoll ar archebion lle nad yw unrhyw un o'r ymwelwyr yn cyrraedd, gan nad oes unrhyw arhosiad dros nos wedi digwydd. Os cafodd yr ardoll ei chasglu ymlaen llaw, dylid ei had-dalu i'r ymwelydd.
7. TAW a threthiant
7.1 Ydym ni'n asesu effaith yr ardoll ar y trothwy cofrestru TAW?
Ydy. Bydd busnesau sy'n ymateb i holiadur ymgynghori'r Ardoll Ymwelwyr yn cael eu gofyn a fyddai cyflwyno Ardoll Ymwelwyr yn golygu eu bod yn mynd dros y trothwy TAW.
7.2 Pam mae TAW yn berthnasol i'r ardoll ymwelwyr?
Mae CThEF wedi penderfynu bod TAW yn berthnasol yn unol â'r ddeddfwriaeth TAW bresennol. Dylid cyfeirio unrhyw gwestiynau ynghylch y driniaeth TAW at CThEF new gynghorydd treth proffesiynol.
7.3 A yw'r mater o gymhwyso TAW i'r ardoll wedi'i godi gyda CThEF?
Mae Awdurdod Cyllid Cymru (ACC) wedi cynnal trafodaethau gyda Chyllid a Thollau Ei Fawrhydi (CThEF) er mwyn egluro'r pryderon a godwyd. Nid yw CThEF wedi gwneud unrhyw sylwadau nac wedi gwneud unrhyw benderfyniad pellach ar y mater.
8. Ffurflenni blynyddol a chwarterol
8.1 Beth yw'r broses ar gyfer ffurflenni blynyddol?
Mae'r cyfnod cyfrifyddu ar gyfer cyflwyno ffurflen flynyddol yn rhedeg hyd at 31 Mawrth. Rhaid i chi gyflwyno eich ffurflen a thalu'r ardfoll erbyn 31 Mai y flwyddyn honno.
Er enghraifft, rhaid cyflwyno a thalu'r ffurflen ar gyfer y cyfnod rhwng 1 Ebrill 2027 a 31 Mawrth 2028 erbyn 31 mai 2028.
8.2 Beth yw'r broses ar gyfer ffurflenni chwarterol?
Maer ffurflenni chwarterol yn cwmpasu'r canlynol:
- 1 Ebrill - 30 Mehefin
- 1 Gorffennaf - 31 Medi
- 1 Hydref - 31 Rhagfyr
- 1 Ionawr - 31 Mawrth
Rhaid cyflwyno'r ffurflenni a thalu'r ardoll o fewn 60 diwrnod i ddiwedd pob cynfnod:
- 29 Awst ar gyfer y cyfnod 1 Ebrill - 30 Mehefin
- 29 Tachwedd ar gyfer cyfnod 1 Gorffennaf - 30 Medi
- 1 Mawrth (new 29 Chwefror mewn blwyddyn naid) ar gyfer y cyfnod 1 Hydref - 31 Rhagfyr
- 30 Mai ar gyfer cyfnod 1 Ionawr - 31 Mawrth
8.3 A oes rhaid i mi gyflwyno ffurflen os nad oedd unrhyw arosiadau trethadwy?
Oes. Od ydych yn ddarparwr llety ymwelwyr mewn ardal lle mae'r ardoll yn berthnasol, rhaid i chi gyflwyno ffurflen ar gyfer pob cyfnod cyfrifyddu, hyd yn oes os nad oes unrhyw ardoll yn ddyledus ar gyfer y cyfnod hwnnw. Gelwir hyn yn ffurflen sero (nil return).
9. Gwario cronfeydd yr Ardoll
9.1 Os codir ardoll, pwy fydd yn penderfynu sut y caiff yr arian ei wario?
Mae Deddf Llety Ymwelwyr (Cofrestru ac Ardoll) etc. (Cymru) 2025 yn ei gwneud yn ofynnol sefydlu Fforwm Ardoll Ymwelwyr ddim hwyrach na thri mis ar ôl i'r ardoll ddod i rym mewn ardal awdurdod lleol.
Rhaid i farn y fforwm lywio penderfyniadau ynghylch ailfuddsoddi'r incwm a geir o'r ardoll.
Rhaid i'r cyngor roi sylw i unrhyw wybodaeth neu gyngor a ddarperir gan y fforwm ynghlych:
- Sut y gellir defnyddio incwm yr ardoll i reoli a gwella cyrchfannau.
- Unrhyw gynnig i:
- Gyflwyno swm ychwanegol at yr ardoll.
- Ddiwygio swm ychwanegol sydd eisoes mewn grym.
- Ddiddymu swm ychwanegol a oedd wedi'i gymhwyso'n flaenorol.
9.2 A fydd yr arian yn cael ei glustnodi a'i ddiogelu gan y gyfraith?
Bydd. Bydd yr arian a godir drwy'r ardoll yn cael ei glustnodi'n benedol ar gyfer rheoli cyrchfannau. Rhaid i'r incwm o'r Ardoll Ymwelwyr a dderbynnir gan awdurdod lleol gael ei ddyrannu at ddibenion rheoli a gwella cyrchfannau yn ei ardal, fel y nodir yn Adran 44 o Ddeddf 2025. Lle bo'n briodol, dylai hyn fod yn gysylltiedig â strategaeth economi ymwelwyr leol.
9.3 A fydd arian a godir mewn tref benedol yn cael ei wario yn yr un dref?
Byddai hyn yn cael ei benderfynu gan y Fforwm Ardoll Ymwelwyr pe bai Ardoll Ymwelwyr yn cael ei cyflwyno nyg Nghonwy.
9.4 Sut gallwn sicrhau nad yw'r arian yn cael ei ddyrannu i ardaloedd poblogaidd yn unig?
Mae sicrhau bod yr arian yn cael ei ddyrannu'n deg ac yn unol â strategaethau'r economi ymwelwyr lleol yn gyfrifoldeb craidd i'r Fforwm Ardoll Ymwelwyr.
9.5 O bob punt a gesglir, faint sy'n dod yn ôl i Gonwy?
Bydd oleiaf 90% o'r holl arian a gesglir yn cael ei ddychwelyd i'r ardal leol.
Am wybodaeth i ymwelwyr, ewch i'r dudalen Cwestiynau Cyffredin i Ymwelwyr
