Conwy Castle View

Croesawu’r Gaeaf yng Nghonwy

Wrth iddi nosi’n gynt, ac i rew orchuddio bryniau gogledd Cymru, mae Conwy’n dod yn fyw gyda hud y gaeaf. O danau gwyllt disglair a llwybrau cerdded braf yn y coed i ddiwrnodau sba moethus a bwyd bythgofiadwy, dyma’r tymor perffaith i arafu, swatio a mwynhau popeth sydd gan y gaeaf i’w gynnig.

Mae Sir Conwy yn gyrchfan croesawgar drwy gydol y flwyddyn, ac mae yna rywbeth arbennig iawn am y gaeaf yng Nghonwy. Darganfyddwch ysbrydoliaeth dymhorol, cynigion arbennig, digwyddiadau Nadolig a phrofiadau bythgofiadwy ar draws y sir. Pa un ai ydych chi’n cynllunio gwyliau bach clyd neu antur awyr agored ar ddiwrnod oer, gwisgwch yn gynnes a gwnewch Conwy yn rhan o’ch stori aeaf.

Y gaeaf yng Nghonwy – rhywbeth i bawb

Gwelir ochr wahanol i Sir Conwy yn y gaeaf.  Mae’r mynyddoedd yn amlycach yn erbyn yr awyr glir, y tonnau’n torri ar y traethau gwag a’r golau’n tywynnu’n ysgafn ar y dyffrynnoedd.  Dyma’r tymor i lapio’n gynnes, camu allan i’r awyr agored a mwynhau’r holl elfennau o’ch cwmpas, cyn dychwelyd yn ôl i’r cynhesrwydd clyd o bosibl.

Gall eich dyddiau allan gynnwys cyfuniad o dirweddau rhewllyd, golygfeydd arfordirol a chanrifoedd o hanes gyda siopau annibynnol, adloniant tymhorol a blasau lleol cysurus.  Gallwch aros ger y lli, deffro yng nghanol y bryniau neu ddewis un o’n trefi a’n pentrefi fel canolbwynt ar gyfer archwilio’r sir. Sut bynnag y byddwch yn dewis treulio’r gaeaf, yn Sir Conwy, fe gewch chi gyfuniad perffaith o awyr iach, croeso cynnes, llefydd hyfryd i aros a phrofiadau sy’n werth eu rhannu.

Couple in the snow on the Glyderau

Digwyddiadau Gaeaf yn digwydd yn Sir Conwy...