Pentrefi Hiraethog a Llyn Brenig
Mae ardal Hiraethog yn dirwedd sy’n cynnig awyr agored, rhostir grug, coedwigoedd a llynnoedd. Yn anghysbell, heddychlon a llawn cymeriad, mae Mynydd Hiraethog yn berffaith i gerddwyr, rhai sy’n mwynhau bywyd gwyllt ac unrhyw un sy’n chwilio am ddihangfa mewn cefn gwlad agored.
-
Mae un o brif bentrefi’r ardal, Cerrigydrudion, yn fan cychwyn gwych i archwilio. Yno hefyd mae Parc Glan‑y‑Gors, parc cartio Pencampwriaeth Prydain sy’n boblogaidd iawn.
-
Man cychwyn ar gyfer cerdded i Fynydd Hiraethog, ac mae Pentrefoelas hefyd yn cynnig croeso cynnes yn Nhŷ Siocled ac Ystafell De Glanrafon. Mae ffenestri gwydr lliw hardd yn eglwys y plwyf (chwiliwch am y mefus sy’n cuddio ynddynt). Yn hanesyddol, roedd hon yn gysylltiedig ag Ysbyty Ifan, noddfa i bererinion o’r canol oesoedd.
-
Ar lan Afon Alwen, mae’r pentref hwn wedi bod yn orffwysfa i deithwyr a phorthmyn ers canrifoedd. Mae tafarn y Crown yn dafarn porthmyn Gradd ll oedd yn un o hoff dafarndai William Wordsworth, ac mae gan yr ardal gysylltiadau â llenyddiaeth Gymraeg a chymeriadau hanesyddol.
-
Calon Hiraethog yw Llyn Brenig, sy’n cynnig cyfle i gerdded, beicio, beicio mynydd, pysgota, hwylio a gwylio adar, gyda chanolfan wych i ymwelwyr a chaffi. Mae Llyn Alwen gerllaw yn cynnig llwybrau tawelach drwy goedwig a rhostir.
Ar gyfer mwy o anturiaethau awyr agored - yn cynnwys darganfod y wiwer goch - ewch i Goedwig Clocaenog.
-
Mae pentref mwyaf deheuol Sir Conwy, Llangwm, yn cynnig llety hunan-arlwyo heddychlon ac awyr hynod o dywyll ar gyfer gwylio’r sêr. Roedd y pentref hefyd yn lleoliad allweddol ar gyfer Rhyfel y Degwm yn yr 1880au.
-
Defnyddiwch y chwiliadur isod i ddod o hyd i lety, atyniadau a digwyddiadau ym Mhentrefi Hiraethog.
Os oes arnoch angen help i gynllunio’ch taith, ffoniwch 01492 577577.
