Dewch i Ddarganfod Deganwy a Chyffordd Llandudno
Ger Aber Conwy rhwng Llandudno a Chonwy, mae Deganwy a Chyffordd Llandudno’n gymysgedd o dai chwaethus ar y glannau, byd natur, llwybrau hamddenol ac atyniadau i’r teulu oll. Mae’r naill ardal a’r llall yn fan cychwyn bendigedig wrth grwydro i rannau eraill o’r sir, gyda golygfeydd braf o’r arfordir a digonedd o ddewisiadau cludiant.
-
Mae naws gyfoes, soffistigedig i Ddeganwy a’r glannau hyfryd. Ceir yma olygfeydd o Gastell Conwy ac Ynys Môn, traeth tywod a cherrig, marina cyfoes a datblygiad dymunol wrth y cei sy’n cynnwys gwesty â sba, bwytai a siopau chwaethus.
Mae’n lle delfrydol i fynd am dro hamddenol ar yr arfordir, hwylio mewn cwch, pryd o fwyd â golygfa hardd neu ddim ond ymlacio ger y glannau.
-
Fymryn i’r de ar hyd yr aber, mae Cyffordd Llandudno’n gymysgedd fywiog o adloniant a mannau awyr agored. Mae yma sinema aml-sgrin fawr, digon o leoedd i barcio a gorsaf reilffordd, sy’n gyfleus iawn i ymwelwyr.
I rai sydd wrth eu bodd â byd natur, mae Gwarchodfa Natur RSPB Conwy yn wlyptir poblogaidd sy’n gynefin i’r rhostog gynffonddu, y gornchwiglen, telor yr hesg, hwyaden yr eithin, hegen y dŵr a mwy. Cynhelir digwyddiadau yma gydol y flwyddyn, mae dewis helaeth o lwybrau cerdded, golygfannau a mannau picnic, ac mae’n lle croesawgar i deuluoedd a gwylwyr adar.
-
Defnyddiwch y chwiliadur isod i ddod o hyd i lety, atyniadau a digwyddiadau yn Neganwy a Chyffordd Llandudno.
Os oes arnoch angen help i gynllunio’ch taith, mae croeso ichi ffonio ein tîm ar 01492 577577.
