Pentrefi Dyffryn Conwy
Mae Dyffryn Conwy’n ardal wledig llawn gwyrddni sy’n gorwedd rhwng copâu creigiog Eryri a rhostir agored Mynydd Hiraethog. Mae’n ardal â naws arbennig: glannau afonydd tawel, ffermdir, bryniau coediog a chadwyn o bentrefi braf sy’n werth mynd i grwydro ynddynt.
-
Llansanffraid Glan Conwy
Ym mhen gogleddol y dyffryn, mae’r pentref hwn ar y glannau’n lle gwych i fwynhau golygfeydd eang dros Aber Conwy tua Chastell Conwy a mynyddoedd Eryri. Nid nepell i ffwrdd, fe ddewch o hyd i Hendre Waelod, siambr gladdu neolithig a godwyd tua 3,500CC.
Rowen
Mae pobl yn aml yn dweud bod Rowen yn un o’r pentrefi prydferthaf yng Nghymru, gyda’r bythynnod del, y dafarn draddodiadol a’r naws ddigynnwrf. Ewch ar hyd hen Ffordd y Rhufeiniaid o’r pentref i’r bryniau neu ewch i Erddi Dŵr Conwy i weld dyfrgwn, bywyd môr a thŷ’r ymlusgiaid.
Eglwysbach a Bodnant
Yr ochr draw i’r afon o Rowen mae Eglwysbach, lle cynhelir sioe amaethyddol fywiog bob mis Awst. Nid nepell i ffwrdd mae Gardd Bodnant, un o’r atyniadau garddwriaethol mwyaf poblogaidd yn y Deyrnas Unedig, gyda Chanolfan Bwyd Cymru Bodnant gerllaw.
Dolgarrog a Thal‑y‑bont
Mae’r ddau bentref hwn wrth ymyl ei gilydd yn fan cychwyn bendigedig wrth fynd am dro yn y Carneddau ac o amgylch Llyn Eigiau. I rai anturus, mae Adrenaline Indoors dafliad carreg i ffwrdd, gyda waliau dringo, ogof artiffisial, sleidiau cyffrous a’r unig sleid cicio yn y Deyrnas Unedig.
-
Defnyddiwch y chwiliadur isod i ddod o hyd i lety, atyniadau a digwyddiadau yn Nyffryn Conwy.
Os oes arnoch angen help i gynllunio’ch taith, mae croeso ichi ffonio ein tîm ar 01492 577577.
