Betws-Y-Coed
Ger porth Eryri mae pentref Betws-y-coed sy’n gyrchfan fynyddig sy’n croesawu ymwelwyr drwy gydol y flwyddyn.
Mae sawl afon yn cwrdd yno ac mae’r pentref wedi’i amgylchynu â choetir a theithiau cerdded hardd yn syth o’ch drws.
-
Mae sawl encil gwely a brecwast a hunan-arlwyo cysurus yn y pentref, a siopau annibynnol, caffis clyd, tafarndai croesawgar a bariau bywiog. Mae’n cynnig cyfle am benwythnos hamddenol neu wyliau llawn antur.
-
Dewch i grwydro trwy goed uchel Coedwig Gwydir, croesi Pont y Mwynwyr hudolus uwchben Afon Llugwy, neu ddilyn llwybrau ar lan yr afon at y Rhaeadr Ewynnol ddramatig.
I’r rhai sy’n chwilio am antur gallwch hedfan trwy’r canopi yn Zip World Fforest, rhoi cynnig ar y Fforest Coaster neu wynebu heriau tanddaearol yn Go Below Underground Adventures.
-
Mae’n hawdd teithio o gwmpas, diolch i fws Fflecsi Dyffryn Conwy – gwasanaeth hyblyg y mae modd ei drefnu trwy ap ac sy’n rhedeg trwy’r pentref gan gysylltu cymunedau cyfagos, atyniadau a llwybrau cerdded. Mae’n golygu bod crwydro heb gar yn syml a chynaliadwy.
