Pobl a Lleoedd yn Sir Conwy
Mae Sir Conwy wedi’i siapio gan bobl a straeon hynod, o dywysogion yr Oesoedd Canol i fawrion llenyddiaeth ac eiconau modern. Ar draws yr ardal, fe ddewch o hyd i safleoedd hanesyddol, chwedlau lleol a chysylltiadau enwog sy’n dod â’r trefi a’r tir yn fyw. Dysgwch fwy am rai o’r unigolion sydd wedi gadael eu ôl ar Sir Conwy a’r mannau lle mae eu straeon nhw’n dal ar gof yn yr adrannau isod.
-
Bae Colwyn yw tref enedigol yr actor Timothy Dalton, sy’n enwog yn rhyngwladol am chwarae rhan James Bond yn The Living Daylights a Licence to Kill.
-
Mae gan Landudno gysylltiad difyr ag Alys yng Ngwlad Hud drwy Alice Liddell, y ferch go iawn a ysbrydolodd gymeriad enwog Lewis Carroll. Fe fyddai’n dod ar ei gwyliau i’r dref yn aml pan oedd yn blentyn, a gall ymwelwyr bellach ddilyn Llwybr Alys yno.
-
Mae’r Bont Fawr yn Llanrwst – pont garreg eiconig ac iddi dri bwa – yn cael ei phriodoli i Inigo Jones, sef un o benseiri enwocaf Prydain ac mae hi’n rhan annatod o dreftadaeth y dref.
-
Mae chwedl leol yn dweud bod y Tywysog Madog ab Owain Gwynedd wedi hwylio o Landrillo-yn-Rhos ym 1170 ac wedi cyrraedd America ymhell cyn Columbus – stori sy’n dal i fod yn rhan o chwedloniaeth yr ardal.
-
Ger Penmachno, mae Tŷ Mawr Wybrnant. Dyma lle ganwyd yr Esgob William Morgan, y cyntaf i gyfieithu’r Beibl yn llawn i’r Gymraeg ym 1588, a helpodd i ddiogelu dyfodol y Gymraeg. Mae’r tŷ bellach dan ofal yr Ymddiriedolaeth Genedlaethol.
-
awaiting translation 23.2
