Parciau Carafanau a Gwyliau
Mae gan Sir Conwy ddewis eang o barciau carafanau a gwyliau, yn cynnig popeth o safleoedd arfordirol i barciau cefn gwlad. Os ydych yn teithio gyda theulu, ffrindiau neu ar eich pen eich hun, mae’r parciau hyn yn darparu man cyffyrddus i grwydro’r ardaloedd gorau yn y rhanbarth.
-
Mae nifer o barciau carafanau a gwyliau ar hyd arfordir Sir Conwy, sy’n cynnig mynediad rhwydd at draethau, y promenâd ac atyniadau glan môr.
Mae ardaloedd o amgylch Bae Colwyn, Llandrillo-yn-Rhos, Abergele a Thowyn yn cynnwys parciau sy’n agos at yr arfordir, gyda llwybrau cerdded a beicio gerllaw. Mae’r lleoliadau arfordirol hyn yn gyfleus ar gyfer diwrnodau ar y traeth, mynd am dro hamddenol ar hyd lan y môr ac ymweld â threfi arfordirol cyfagos.Mae rhai parciau yn fwy mewndirol ond dal o fewn cyrraedd i’r arfordir, gan gynnig awyrgylch tawelach ond gellir gyrru i draethau a llwybrau arfordirol.
-
Yn fwy mewndirol, mae parciau carafanau a gwyliau o fewn tirweddau harddaf y sir.
Mae lleoliadau yn Nyffryn Conwy, yn cynnwys ardaloedd ger Llanrwst, Trefriw a Dolgarrog, yn cynnig awyrgylch cefn gwlad gyda llwybrau cerdded a choedwigoedd gerllaw.Mae ardaloedd ucheldiroedd gwledig o amgylch Betws‑y‑Coed, Penmachno, Llangernyw a llwyfandir Mynydd Hiraethog yn cynnig tawelwch, gan eu gwneud yn ddelfrydol i ymwelwyr sy’n edrych am ddigon o le, golygfeydd a llai o brysurdeb.
Mae’r ardaloedd hyn yn addas i bobl sy’n hoff o natur, cerddwyr, beicwyr ac unrhyw un sy’n dymuno aros yng nghanol cefn gwlad.
-
Mae parciau carafanau a gwyliau yn Sir Conwy yn cynnig cymysgedd o:
- Safleoedd carafanau teithiol
- Lleoedd i gartrefi modur
- Unedau carafanau statig
- Cabanau gwyliau
- Mannau gwersylla (mewn rhai parciau)
Mae cyfleusterau yn amrywio, ond gallant ddarparu amwynderau a rennir megis ystafelloedd ymolchi, ardaloedd chwarae, mannau eistedd awyr agored, siopau ar y safle, neu fynediad rhwydd at lwybrau cerdded a golygfannau naturiol.
Mae rhai parciau hefyd yn cynnig lle ychwanegol i grwpiau neu deuluoedd aros, gan eu gwneud yn ymarferol ar gyfer ymweliadau am gyfnod hwy.
