Mwynhau’r Awyr Agored yng Nghonwy’n Ddiogel
Rydym eisiau i bawb fwynhau ymweld â Sir Conwy, felly cofiwch wneud y pethau bychain a fydd yn helpu i’ch gwarchod chi, pobl eraill, ein cymunedau a’r amgylchedd.
-
Mae pawb yn mwynhau mynd i’r traeth ac felly i helpu i sicrhau eich bod chi’n mwynhau ein harfordir arbennig, edrychwch ar ragolygon tywydd yr ardal a byddwch yn ymwybodol o unrhyw rybuddion diogelwch lleol am beryglon posib’. Dyma nodyn atgoffa cyfeillgar gan griw lleol y Bad Achub
- cyn mynd allan, cofiwch edrych ar ragolygon tywydd yr ardal
- gwiriwch amseroedd y llanw
- gofalwch fod eich cyfarpar mewn cyflwr da i wneud ei waith
- tra byddwch chi allan, byddwch yn ymwybodol o’ch amgylchedd a chyfeiriad y llanw
- byddwch yn ymwybodol o arwyddion rhybuddio, yn enwedig ar draeth Penmorfa yn Llandudno
- ewch â ffôn symudol â batri llawn gyda chi
Gwyliwch y ddwy fideo yma am fwy o gyngor gan Sefydliad y Badau Achub:
Diogelwch ymwelwyr ar y môr gyda’r RNLI – YouTube
Water Safety Advice And Tips – Know The Risks (rnli.org)
.jpg)
Banciau tywod, Penmorfa, Llandudno
-
Dyma’ch canllaw i fwynhau ein parciau a’n cyrsiau dŵr, yr arfordir a chefn gwlad.
Parchwch bawb
- byddwch yn ystyriol o'r rhai sy'n byw, yn gweithio, ac yn mwynhau yng nghefn gwlad
- gadewch giatiau ac eiddo fel rydych chi'n eu cael nhw
- peidiwch â rhwystro mynediad trwy giatiau neu ddreifiau wrth barcio
- byddwch yn glên, dwedwch helo, rhannwch y lle
- dilynwch arwyddion lleol a chadwch at lwybrau wedi’u marcio oni bai fod mynediad ehangach ar gael
Gofalwch am yr amgylchedd
- ewch â’ch sbwriel adref – peidiwch â gadael eich ôl
- peidiwch â chynnau tân a pheidiwch â thanio barbeciw oni bai fod arwyddion yn rhoi caniatâd i chi
- cadwch gŵn dan reolaeth ac o fewn golwg bob amser
- baw cŵn – rhowch o mewn bag ac yn unrhyw fin gwastraff cyhoeddus neu fynd ag o adref
- gofalwch am natur – peidiwch ag achosi difrod nac aflonyddwch
Mwynhewch yr awyr agored
- cadarnhewch eich llwybr a’r amodau lleol
- cynlluniwch eich antur – dylech wybod beth i’w ddisgwyl a beth allwch ei wneud
- mwynhewch eich ymweliad, gan gael hwyl a chreu atgofion
Dilynwch y ddolen hon i weld y canllawiau llawn gan Gyfoeth Naturiol Cymru
Cyfoeth Naturiol Cymru / Y Cod Cefn Gwlad: cyngor i’r rhai sy’n ymweld â chefn gwlad
.jpg)
Mynydd y Dref, Conwy
Anturiaethau Awyr Agored
Os ydych chi’n cynllunio antur awyr agored ar yr arfordir neu yn y mynyddoedd, ewch i gael golwg ar wefan Mentro’n Gall Cymru (www.adventuresmartwales.com). Bydd eu cyngor am y tywydd, cyfarpar a sgiliau’n eich helpu i fod yn ddiogel.
Bwyta y tu allan
Peidiwch â bwydo’r gwylanod – mae gwylanod yn sborionwyr naturiol a gallant droi’n ymosodol wrth geisio dwyn bwyd o’ch dwylo neu oddi ar eich plât.
