Gwersylla a Glampio yn Sir Conwy
Os ydych chi’n chwilio am brofiad gwersylla traddodiadol neu gysur y caban glampio, mae Sir Conwy’n cynnig ystod eang o leoliadau ger y môr, yng nghefn gwlad ac yn yr ucheldiroedd. Gyda thirluniau â golygfeydd ysblennydd, ardaloedd gwledig tawel a mynediad rhwydd i lwybrau cerdded, mae’n lleoliad delfrydol i fwynhau’r awyr iach.
-
Byddwch yn canfod cyfleoedd i wersylla a glampio ar hyd yr arfordir, sy’n agos at draethau, promenadau a llwybrau cerdded arfordirol. Mae lleoliadau ym Mae Colwyn, Llandrillo-yn-Rhos a Deganwy yn cynnig mynediad hwylus i lwybrau cerdded ar y traeth, llwybrau beicio, gwarchodfeydd natur ac atyniadau ar lan y môr sy’n addas i’r teulu cyfan.
Mae’r ardaloedd hyn yn cynnig golygfeydd o’r tir a’r môr, gan roi digon o amrywiaeth i ymwelwyr.
-
Mae lleoliadau mewndirol yn Sir Conwy yn cynnig dewisiadau gwersylla a glampio gwledig a heddychlon mewn dyffrynnoedd, ar fryniau, coedwigoedd a rhostiroedd agored.
Yn Nyffryn Conwy, mae lleoliadau ger Llanrwst, Trefriw a Dolgarrog yn cynnig mynediad i lwybrau ger afonydd, coetiroedd a golygfannau godidog.Tua’r de, mae pentrefi megis Betws-y-coed, Penmachno a Chapel Curig wedi’u lleoli o fewn tirluniau mwyaf dramatig y sir, gan eu gwneud yn ddelfrydol ar gyfer pobl sydd eisiau aros yn agos i lwybrau cerdded, coedwigoedd a golygfeydd o’r mynyddoedd.
I’r gorllewin, mae ardaloedd Llanfairfechan a Dwygyfylchi yn cyfuno golygfeydd arfordirol gyda bryniau ar yr ucheldir, sy’n cynnig amrywiaeth o amgylcheddau sy’n addas ar gyfer gwersylla a glampio.
Ar gyfer pobl sy’n chwilio am amgylchedd tawelach ac anghysbell, mae ucheldir Mynydd Hiraethog a chymunedau gwledig megis Llangernyw yn cynnig lleoliadau heddychlon gyda gofodau agored ac awyr dywyll.
-
Mae gwersylla a glampio yn Sir Conwy yn golygu bod yn agos i natur bob bore. Mae llu o gyfleoedd ar gyfer cerdded, mynydda, beicio a gwylio bywyd gwyllt, os ydych chi’n aros ger y môr, mewn pentref yn y dyffryn neu yng nghefn gwlad yr ucheldiroedd.
Mae llwybrau yn amrywio o gylchoedd byr yn y goedwig, i lwybrau hirach, ac mae sawl lleoliad yn cysylltu’n rhwydd i goedwigoedd, llwybrau ger afonydd, golygfannau, a lonydd gwledig tawel.Porwch drwy ddewisiadau gwersylla a glampio gan ddefnyddio’r cyfleuster chwilio isod…
