Golff yn Sir Conwy
Mae Sir Conwy yn gartref i rai o'r cyrsiau golff gorau yng Ngogledd Cymru - o gyrsiau golff arfordirol traddodiadol i gyrsiau parcdir mewndirol heddychlon. Golygfeydd godidog, clybiau cyfeillgar a phrisiau chwarae gwych - golff fel y dylai fod.
Dyma rai enghreifftiau o brofiadau golffio y gallwch chi eu mwynhau ledled y sir…
-
Mae golff yn Sir Conwy yn cael ei adnabod am ei groeso cynnes, ei awyrgylch hamddenol a'i gysylltiadau cryf â thraddodiadau’r gêm. Mae’r cyrsiau sydd yma o ansawdd gwych heb unrhyw ffws ac mae hyn yn golygu bod golffwyr sy’n ymweld a golffwyr sy’n dod yma’n rheolaidd yn mwynhau chwarae arnynt.
-
Clwb Golff Gogledd Cymru, Llandudno
Mae Clwb Golff Gogledd Cymru yn gwrs arfordirol heriol sy’n bodloni safonau cyrsiau y defnyddir ar gyfer pencampwriaethau, ac mae’n cyfuno tirwedd arfordirol naturiol â golygfeydd ysgubol o'r môr a'r mynyddoedd.Clwb Golff Conwy
Dyma un o’r cyrsiau golff mwyaf uchel ei barch yng Nghymru. Mae cynllun y cwrs yn arbennig a’r golygfeydd arfordirol yn ddramatig. Mae'n cael ei ganmol yn eang am ei ddyluniad a'i olygfeydd bythgofiadwy.
-
Mae nifer o gyrsiau parcdir rhagorol ar hyd arfordir Sir Conwy:
- Clwb Golff Maesdu, Llandudno - Cwrs tonnog sy'n cyfuno nodweddion cyrsiau golff arfordirol a pharcdir, a golygfeydd gwych.
- Clwb Golff Llanfairfechan - Cyfeillgar, croesawgar ac mewn lle hyfryd.
- Clwb Golff Penmaenmawr - Ceir golygfeydd godidog o bob twll ar y cwrs.
- Clwb Golff Llandrillo-yn-Rhos - Cwrs hygyrch a phoblogaidd sy’n addas ar gyfer amrywiaeth eang o alluoedd.
- Clwb Golff Abergele - Parcdir wedi’i gynnal yn dda a golygfeydd tuag at Gastell Gwrych a’r bryniau cyfagos.
-
Clwb Golff y Silver Birch, Betws-yn-Rhos
Cwrs mewndirol bendigedig wedi’i leoli ynghanol y bryniau ger Abergele. Mae’n cael ei adnabod am ei gwrs hamddenol a difyr ac am ei olygfeydd gwych.Clwb Golff Betws-y-coed
Cwrs parcdir dymunol iawn sy’n cynnig golygfeydd ysblennydd ar draws Dyffryn Conwy a chopaon Eryri. Lleoliad heddychlon sy’n ddelfrydol ar gyfer gêm ddifyr a golygfeydd hyfryd.
