Gwybodaeth Graddio Llety
Os ydych yn edrych am le i aros ar y wefan hon, efallai y byddwch yn sylwi bod gan rai darparwyr llety sgôr seren. Mae’r sgoriau seren hyn yn cael eu dyfarnu gan gyrff asesu cenedlaethol megis Croeso Cymru a’r AA, a gallant fod o gymorth wrth roi syniad i chi o’r ansawdd a’r cyfleusterau y gallwch eu disgwyl yn ystod eich arhosiad.
Mae sgoriau seren yn amrywio o un i bum seren, ac mae bob corff asesu yn y DU yn defnyddio’r un meini prawf - gan olygu y gallwch gymharu llety gyda sicrwydd ble bynnag y byddwch yn mynd. Mae hi hefyd yn werth nodi ei bod hi’n wirfoddol cymryd rhan yn y cynlluniau sgorio, felly ni fydd gan bob busnes sgôr.
-
Mae sgoriau seren yn adlewyrchu ansawdd cyffredinol y llety a’r amrywiaeth o gyfleusterau sydd ar gael.
Mae sgôr uwch fel arfer yn golygu mwy o wasanaethau neu amwynderau, ond nid yw sgôr seren is bob amser yn golygu ansawdd is - efallai bydd rhai lleoedd llai yn dewis peidio â chynnig yr ystod lawn o gyfleusterau sydd eu hangen ar gyfer sgoriau uwch.Byddwch hefyd yn sylwi fod gan wahanol fathau o lety ddisgwyliadau gwahanol. Er enghraifft, nid yw’r meini prawf ar gyfer gwesty yr un fath â gwely a brecwast neu dŷ llety, felly nid oes modd cymharu llety gwely a brecwast 4 seren gyda gwesty 4 seren.
-
Os oes gennych chi anghenion neu ddisgwyliadau penodol, mae hi bob amser yn syniad da holi’r darparwr llety yn uniongyrchol i sicrhau eu bod yn cynnig y cyfleusterau rydych yn edrych amdanynt.
Mae mwy o wybodaeth fanwl am y system sgorio ar gael yn:
- Croeso Cymru: https://www.visitwales.com/en-us/grading-information
- Cynlluniau Graddio’r AA: https://www.theaa.com
Sylwch: Mae rhestrau llety ar y wefan hon er gwybodaeth yn unig. Nid yw Cyngor Bwrdeistref Sirol Conwy yn argymell neu’n cymeradwyo unrhyw ddarparwyr unigol, ac awgrymwn y dylid gwirio graddau ansawdd ac adolygiadau cyn cadw lle.
