Atyniadau
Beth sydd yna i’w wneud yng Nghonwy?
Dyma ganllaw cyflym i rai o'n hoff bethau i'w gweld a'u gwneud. Dewch o hyd i ysbrydoliaeth yn y categorïau isod...
-
Cychwynnwch eich antur drwy fynd am dro ar hyd Pier Llandudno, pier hiraf Cymru sy’n mesur 2,295 o droedfeddi! Mae’n llawn dop o arcedau difyrion, siopau annibynnol, caffis a bariau! Heb anghofio’r olygfa anhygoel o’r bae!
Dringwch i fyny fry uwchben Llandudno i Ganolfan Ymwelwyr y Gogarth – teithiwch i’r brig mewn steil gyda Char Cebl neu ar Dramffordd y Gogarth, neu os ydych chi’n teimlo’n llawn egni, cerddwch i fyny un o’r amrywiol lwybrau, gan aros i fwynhau byd natur ar y ffordd!
-
Yna, beth am ymweld ag un o sŵau hynaf Cymru, y Sŵ Fynydd Gymreig! Gyda Chathod Mawr, Mamaliaid Blewog, Morlewod Mawreddog a dros 37 erw o dir!!
Mentrwch i Gonwy Wledig i chwilota llynnoedd a rhostiroedd Coedwig Alwen a Hiraethog a mwynhau anturiaethau Canolfan Ymwelwyr Llyn Brenig.
-
Ewch draw i erddi hyfryd Bodnant – gerddi teras, gerddi gwyllt a drysfa o lwybrau, ac os ydych chi’n digwydd bod yma ym mis Mai, cofiwch fynd i weld y Bwa Tresi Aur yn ei ogoniant!
Mae golygfeydd gogoneddus i’w gweld yn y Rhaeadr Ewynnol , a Rhaeadr Conwy gallwch droedio’r llwybrau i Bont y Mwynwyr.
-
Beth am ymweld â’r ‘Tŷ Lleiaf ym Mhrydain’ yng Nghonwy – tŷ bychan hynod wedi’i beintio’n goch, sy’n mesur 3 metr o uchder a 1.8 metr o led?
Yn olaf, allwch chi ddim gadael cyn ymweld â Chastell Conwy, y tirnod trawiadol o’r drydedd ganrif ar ddeg sy’n ymgodi dros Foryd fendigedig Conwy! A pheidiwch ag anghofio mynd i grwydro Muriau Tref Conwy!
