Chwaraeon Dŵr
Mae gan Sir Conwy dreftadaeth forol falch ac arfordir llawn cymeriad ac mae’n un o'r lleoedd gorau yng Nghymru ar gyfer chwaraeon dŵr. O hwylio a hwylfyrddio i reidio jet sgi, caiacio môr ac anturiaethau mewndirol ar lynnoedd a chronfeydd dŵr, mae'r rhanbarth yn cynnig rhywbeth i bawb. Dyma rai enghreifftiau o'r hyn y gallwch chi ei fwynhau ledled y sir.
-
Mae gan Sir Conwy ddiwylliant hwylio cryf, ac mae clybiau a llithrfeydd ar hyd yr arfordir cyfan.
Mae cymunedau hwylio yng Nghonwy, Bae Colwyn, Llandudno a Phenmaenmawr, ac mae pob un yn cynnig clybiau croesawgar, cyrsiau a mynediad i'r môr.Mae'r dyfroedd arfordirol hyn yn ddelfrydol ar gyfer hwylwyr newydd yn ogystal ag unigolion â diddordeb brwd, o ganlyniad i amodau amrywiol a golygfeydd godidog.
-
Yn uchel ar lwyfandir Mynydd Hiraethog, mae Llyn Brenig yn gartref i’r clwb hwylio uchaf yng Ngogledd Cymru. Mae’n adnabyddus am ei wyntoedd rhagorol a chyson ac awyrgylch cyfeillgar sy’n berffaith ar gyfer dysgwyr a hwylwyr cystadleuol.
Gerllaw, mae Cronfa Ddŵr Alwen yn parhau i fod yn lleoliad mewndirol poblogaidd ar gyfer sgïo dŵr, gan gynnig math hollol wahanol o gyffro.
-
Mae harbyrau llawn cymeriad a marinas modern wedi’u gwasgaru yma ac acw ar hyd arfordir Conwy.
Yng Nghonwy, mae'r cei traddodiadol o dan furiau'r castell canoloesol, ac mae dau farina â phob gwasanaeth - Marina Conwy (500 o ddocfeydd) a Marina Deganwy (165 o ddocfeydd) - yn cynnig cyfleusterau hwylio, angori modern a mynediad i'r aber a'r môr.Mae gan Fae Cinmel a Llandrillo-yn-Rhos harbyrau bach deniadol hefyd. (Noder: Nid oes gan Landrillo-yn-Rhos ganolfan chwaraeon dŵr bwrpasol mwyach, ond mae offer, cyngor a gweithgareddau cymunedol yn parhau i gael eu cefnogi trwy Môr Watersports.)
-
Mae'r amodau yn Llanfairfechan a Phenmaenmawr yn arbennig o boblogaidd ymhlith hwylfyrddwyr a barcudfyrddwyr o ganlyniad i’r gwyntoedd arfordirol cyson.
Mae caiacio môr a chanŵio yn weithgareddau y mae pobl yn mwynhau cymryd rhan ynddynt ar hyd arfordir Conwy, gan eu bod nhw’n cynnig baeau tawel, mannau cysgodol a golygfannau gwerth chweil.
-
Mae hyfforddiant cychod pŵer a hwylio ar gael trwy North Wales Power and Sail yn Neganwy.
Gellir hefyd hurio cychod preifat, cael teithiau cwch (ribride) a theithiau tywys yn Llandudno, Conwy ac ar hyd yr arfordir ehangach, sy’n ffordd wych i ymwelwyr archwilio'r arfordir.
Gallwch ddod o hyd i ragor o weithgareddau chwaraeon dŵr drwy chwilio isod…
