Baner Borffor
Llandudno yn Dechrau ei Daith at Statws Baner Borffor...
Mae gwaith bellach yn mynd rhagddo i sicrhau achrediad Baner Borffor i Landudno, sy’n nodi cam pwysig yn y gwaith o wella a diogelu’r hyn sydd gan y dref i’w gynnig gyda'r nos ac yn y nos. Mae'r prosiect yn cael ei gefnogi trwy gyllid o Gronfa Ffyniant Gyffredin Llywodraeth y DU, a sicrhawyd gan Gyngor Bwrdeistref Sirol Conwy i gryfhau economi ymwelwyr y rhanbarth.
I arwain y broses, mae'r Cyngor wedi dod â Gweithgor Baner Borffor amlasiantaeth newydd ynghyd, gan sicrhau bod pob agwedd ar brofiad gyda'r nos yn y dref yn cael ei hystyried. Mae cynrychiolwyr o dwristiaeth, manwerthu, lletygarwch, hamdden, grwpiau cymunedol, Heddlu Gogledd Cymru ac Ystadau Mostyn i gyd yn cyfrannu at ddatblygu amgylchedd diogel, croesawgar a bywiog rhwng 5pm a 5am.
-
Mae rhaglen y Faner Borffor, sy’n cael ei gweinyddu gan y Gymdeithas Rheoli Trefi a Dinasoedd, yn cydnabod trefi a dinasoedd sy'n cynnig profiad rhagorol gyda'r nos ac yn y nos. Mae achrediad yn dathlu lleoedd sy'n cydbwyso:
- Diogelwch
- Gweithgareddau amrywiol
- Diwylliant bywiog
- Gwaith partneriaeth cryf
- Awyrgylch croesawgar i bawb
-
Yn rhan o gamau cynnar datblygu cais Baner Borffor Llandudno, mae'r Gweithgor wedi dechrau mapio nodweddion gyda'r nos ac yn y nos presennol y dref a nodi ardaloedd y gellid eu harchwilio ymhellach. Mae trafodaethau cychwynnol wedi nodi agweddau fel:
- Gwasanaeth Teledu Cylch Caeëdig presennol
- Presenoldeb yr heddlu a diogelwch cymunedol
- Mentrau parhaus sy'n gysylltiedig â diogelwch
- Cynnig lletygarwch amrywiol
Ochr yn ochr â'r rhain, mae'r grŵp hefyd yn dechrau edrych ar feysydd posibl ar gyfer datblygu i gefnogi dyheadau hirdymor y dref gyda’r nos ac yn y nos, gan gynnwys:
- Ffyrdd i wella hygyrchedd
- Dewisiadau i gryfhau cludiant
- Cyfleoedd i gefnogi mwy o weithgarwch diwylliannol yn gynnar gyda'r nos
Os bydd yn llwyddiannus, Llandudno fyddai'r dref Faner Borffor gyntaf yng Ngogledd Cymru, ac mae’n werth nodi mai’r ardal arfaethedig fyddai'r gyntaf yn y DU i gynnwys pier.
-
Bydd y cais am y Faner Borffor yn cael ei gyflwyno'r gwanwyn hwn, ac yna bydd asesiad annibynnol yn yr haf. Os caiff ei achredu, bydd Llandudno yn ymuno â rhwydwaith cynyddol o drefi a dinasoedd sy'n cael eu cydnabod am ragoriaeth yn eu heconomi gyda'r nos ac yn y nos.
Y dyddiadau allweddol nesaf yn y broses yw'r rhag-asesiad ar 5 Mehefin a'r asesiad llawn ar 17 Gorffennaf. Mae'r cerrig milltir hyn yn rhan bwysig o daith Purple Flag Llandudno, a bydd cefnogaeth leol yn chwarae rhan allweddol wrth arddangos y dref ar ei gorau. Edrychwn ymlaen at weithio gyda busnesau ledled Llandudno wrth i ni barhau â'r cam cadarnhaol hwn ar gyfer economi gyda'r nos a thrwy'r nos y dref.Cais wedi'i gyflwyno – Cyflwynwyd cais Llandudno ar gyfer y 'Purple Flag' ddiwedd mis Mehefin 2026. Y cam nesaf yn y broses asesu yw Noson Asesu'r Purple Flag ym mis Gorffennaf.Bydd statws Baner Borffor yn helpu i gryfhau economi ymwelwyr a nos Llandudno. Bydd y Gweithgor yn cydweithio i ddatblygu mentrau, cynnyrch a gwasanaethau i gynyddu nifer yr ymwelwyr, annog ymwelwyr i aros yn hirach a chefnogi arosiadau dros nos. Trwy gryfhau partneriaethau rhwng busnesau, gwasanaethau cyhoeddus a sefydliadau cymunedol, nod y Faner Borffor yw helpu i greu cyrchfan mwy diogel a chroesawgar wrth gefnogi economi gynaliadwy trwy gydol y flwyddyn.Asesiad Baner Borffor ddydd Gwener yma! Nos Wener, bydd aseswyr y Faner Borffor ac aelodau o’r Gweithgor Baner Borffor Lleol yn mynd o amgylch canol dref Llandudno rhwng 5pm a 5am, yn asesu sut mae’r economi nos yn gweithio’n ymarferol. Byddent yn edrych ar y profiad cyffredinol yn y dref yn ystod y nos, gan gynnwys diogelwch, awyrgylch croesawgar, rheolaeth y dref, pa mor hawdd yw symud o gwmpas a’r amrywiaeth o fusnesau a gweithgareddau ar gael.Os ydych yn gweld y grŵp Baner Borffor o gwmpas, peidiwch â phoeni. Parhewch i wneud yr hyn a wnewch orau: rhedeg eich busnes, croesawu cwsmeriaid a helpu i ddangos Llandudno ar ei orau.
Byddai cyflawni statws Baner Borffor yn gydnabyddiaeth wych o gynnig nos Llandudno, ac o fusnesau a phartneriaid yn cydweithio i wneud y dref yn ddiogel, cynhwysol a boddhaus i drigolion ac ymwelwyr.
-
Datblygwyd Pecyn Gwaith y Faner Borffor i helpu busnesau chwarae rhan weithgar yn y gwaith o greu economi gyda’r nos ac yn ystod y nos Llandudno. Mae’n darparu arweiniad ymarferol, camau syml ac adnoddau parod i helpu creu cyrchfan groesawgar, fywiog a mwy diogel rhwng 5pm a 5am.
P’un a ydych chi eisoes yn rhan o’r hyn sydd gan y dref i’w gynnig yn ystod y nos, neu’n chwilio am gyfleoedd newydd, mae’r pecyn gwaith wedi’i ddylunio i’ch helpu chi gymryd rhan a gwneud gwahaniaeth.
Pecyn gwaith y Faner Borffor - English & Welsh
Beth yw'r Faner Borffor?
Paratowch Eich Busnes Ar Gyfer Y Baner Borffor
Preparing Your Business For Purple Flag
Llandudno Purple Flag Zone
Map Of Llandudno's Purple Flag Zone
Night Time Economy Questionnaire A4 Posters
Night Time Economy Questionnaire Poster - Welsh
Night Time Economy Questionnaire Poster - English
Llandudno Goats A4 Posters
