A ydych chi’n derbyn archebion gan bobl i gael aros dros nos yng Nghymru?
Mae deddfwriaeth newydd yn ei gwneud hi’n ofynnol i bawb sy’n gosod llety i ymwelwyr yng Nghymru gofrestru.
O fythynnod i garafanau, ystafelloedd sbâr i gaeau agored, os ydych chi’n derbyn archebion gan bobl i gael aros dros nos, mae’r gyfraith yn newid. Felly, p’un ai ydych chi’n eu croesawu am un noson, neu eu bod yn aros am gyfnod hirach, rhaid i chi gofrestru gydag Awdurdod Cyllid Cymru.
Gallwch gofrestru o 10am, ddydd Iau 1 Hydref 2026. Mae’n rhaid i ddarparwyr llety gofrestru gydag Awdurdod Cyllid Cymru erbyn 31 Mawrth 2027 fan bellaf.
Mae cofrestru’n berthnasol i holl ddarparwyr llety i ymwelwyr, yn cynnwys:
- Gwesteiwyr achlysurol sy’n rhentu ystafell sbâr bob hyn a hyn
- Darparwyr proffesiynol sydd ar agor gydol y flwyddyn
Bydd modd i chi gofrestru ar-lein am ddim.
Mae Awdurdod Cyllid Cymru wedi llunio’r canllawiau cefnogi canlynol i’ch helpu gyda’r broses gofrestru.
- Canllaw ar gofrestru eich llety ymwelwyr.
- Cofrestru ar gyfer gweithdy cofrestru ar-lein am ddim.
- Canllaw cam wrth gam a fideos i’ch helpu i gwblhau eich cofrestriad. Ar gael o 1 Hydref 2026.
Os oes gennych chi gwestiynau gallwch gysylltu Awdurdod Cyllid Cymru yn uniongyrchol drwy glicio yma.