Llety yn Sir Conwy

Aros Yn Sir Conwy
Mae croeso cynnes i chi bob amser yma. Mae ein dewis o lefydd i aros yn cynnig rhywbeth at ddant pawb, o westai cyfeillgar ar lan y môr i blastai gwledig moethus, o westai ‘boutique’ i lety gwely a brecwast a gwestai bychain sy’n cynnig gwerth am arian, ac o barciau carafanau â phob cyfleuster i fflatiau hunan-ddarpar.

Pa’un ai ydych eisiau sipian siampaen cyn mwynhau pryd o fwyd arbennig mewn gwesty o’r radd flaenaf, ynteu gwneud fel yr ydych chi’n dymuno mewn llety hunan-ddarpar o ansawdd, gallwn gynnig y lle delfrydol ar eich cyfer.

Mae ein dewis eang o lefydd i aros yn apelio at deuluoedd a chyplau, y rhai sy’n caru’r cefn gwlad a’r glannau, ymwelwyr sy’n chwilio am wyliau rhamantus ac anturiaethau awyr agored.

Gan nad yw’r arfer o dreulio ‘pythefnos ar lan y môr’ bellach mor berthnasol ag yr oedd, mae dewis gwych o wyliau byr a phecynnau am bris arbennig ar gael, nid yn unig yn ystod y misoedd tawelach ond trwy gydol y flwyddyn.

Felly, beth am ddechrau cynllunio eich gwyliau, arhosiad byr neu hir, yn Sir Conwy heddiw. Cofiwch fwrw golwg ar ein calendar digwyddiadau hefyd, cynhelir digonedd o wyliau, digwyddiadau a dathliadau cyffrous a allai fod o ddiddordeb i chi.