Abergele a Phensarn
Meddwl mynd am wyliau ar arfordir braf gogledd Cymru? Mae Abergele a Phensarn yn cynnig cymysgedd o draethau tywodlyd tawel, bryniau coediog ac atyniadau hanesyddol, sy’n ddelfrydol ar gyfer gwyliau â’r teulu, dihangfa ramantus neu anturiaethau yn yr awyr agored.
Nid nepell o’r lan, gallwch gerdded neu fynd ar gefn beic ar hyd llwybrau hardd, mwynhau golygfeydd o’r môr ar y promenâd ym Mhensarn neu ymweld â mannau adnabyddus fel Castell Gwrych, lle bu ITV yn ffilmio I’m a Celebrity…Get Me Out of Here!.
-
P’un a ydych chi’n chwilio am barc carafanau sy’n addas i’r teulu i gyd neu le gwely a brecwast bach ger glan y môr, mae gennych ddigonedd o ddewisiadau gwych. Mae gan Abergele amryw barciau carafanau â chyfleusterau da, gan gynnwys adloniant a bwyd, yn ogystal â gwestai a lleoedd gwely a brecwast sy’n cynnig croeso cynnes, lle cyfforddus i aros a golygfeydd o lan y môr.
-
Ewch am dro ar y traeth a’r promenâd ym Mhensarn, mynd i’r caffis a’r arcêds, neu dilynwch Lwybr yr Arfordir i Fae Colwyn neu Fae Cinmel. Tua’r mewndir, mae’r llwybrau coediog, olion o’r Oes Haearn a golygfannau uwchben Abergele’n braf i fynd am dro a mwynhau golygfeydd eang. I rai sydd wrth eu bodd â golff, mae Clwb Golff Abergele’n un o’r cyrsiau harddaf yng Nghymru.
-
Defnyddiwch y chwiliadur isod i ddod o hyd i lety, gweithgareddau ac atyniadau yn Abergele a Phensarn.
Os oes arnoch angen help i gynllunio’ch gwyliau, ffoniwch ein tîm ar 01492 577577.
