Am

Mae Parc Carafanau Craiglwyd Hall ar lechwedd â golygfeydd godidog dros Ynys Môn a Llandudno. Dyma’r parc i’w ddewis os ydych chi’n chwilio am dawelwch a llonyddwch mewn lleoliad anhygoel, ond hefyd os hoffech fod yn agos i’r trefi glan môr a holl brif atyniadau eraill Gogledd Cymru.

Craiglwyd Hall oedd y parc cyntaf a brynodd y teulu Thornley yn ôl yn 1961. Mae gan Craiglwyd Hall lolfa braf iawn, bar chwaraeon, ystafell gemau teulu a theras awyr agored. Dyma’r lle perffaith i ymlacio a gwylio’r haul yn machlud dros Ynys Seiriol. Mae gan y parc ardal chwarae i blant ac ystafell gemau hefyd.

Dyma barc arbennig ar gyrion Parc Cenedlaethol Eryri sydd wedi ennill nifer o wobrau ac mae yn y lle perffaith i westeion allu mwynhau’r atyniadau a’r ardaloedd hardd sydd o’i amgylch. Os ydych chi’n un am bysgota, mae Pysgodfa Frithyll Graiglwyd Springs yn llythrennol y drws nesaf i’r parc.

Mae gan Barc Carafanau Craiglwyd Hall garafanau gyda thwb poeth, carafanau sy’n addas ar gyfer cŵn a rhandai moethus ar gael i’w llogi.

Yn un o ardaloedd mwyaf poblogaidd Gogledd Cymru, mae’r parc carafanau hwn yng Nghonwy mewn ardal dawel a heddychlon gyda hanes a gweithgareddau awyr agored ar hyd yr arfordir cyfan. Does dim llawer o safleoedd carafanau gwell ger Conwy, ac mae’r cyfan yn aros amdanoch.

Mae ymdeimlad cymunedol braf ac awyrgylch groesawgar ym mharc carafanau Craiglwyd Hall, ble gallwch ymlacio yn y lleoliad hardd hwn. Gydag ardal chwarae, campfa ac ystafell gemau, mae digon o hwyl i’w gael o gwmpas y safle. Ar ddiwedd diwrnod o greu atgofion newydd, gallwch ymlacio gyda golygfeydd godidog o Ynys Seiriol, Llandudno ac Ynys Môn o’ch carafán.