Am

Dwy fflat ddeulawr hunanddarpar fodern ar lan y môr. Lle i 2 neu 4 gysgu - gellir eu llogi’n unigol neu fel pâr.

Mae lleoliad Gwylanedd ar Bromenâd Llanfairfechan, ar Lwybr Arfordir Cymru a Llwybr Beicio Cenedlaethol 5, a cheir golygfeydd eang o fae Conwy ac Ynys Seiriol o’r ystafelloedd byw a’r ystafelloedd gwely.

I’r rhai hynny sydd wrth eu boddau â natur, mae gwarchodfeydd Glan y Môr Elias a Morfa Madryn o fewn pellter cerdded byr.

Mae Llanfairfechan, gyda mynediad hawdd i’r A55 a chludiant cyhoeddus da, yn lleoliad glan môr delfrydol a heddychlon ar gyfer gwyliau’n crwydro Eryri, y Carneddau, Ynys Môn a threfi Conwy a Llandudno gerllaw. Y mae llawer o adeiladau’r Ymddiriedolaeth Genedlaethol a safleoedd Cadw o fewn taith hanner awr yn y car.

Mae mynediad at y traeth o fewn 50m - mae Gwylanedd yn lleoliad da ar gyfer chwaraeon dŵr fel ceufadu a phadlfyrddio drwy lanfa’r promenâd.

Mae gan y ddwy fflat olygfeydd eang dros y môr o’r lolfa a’r brif ystafell wely.

Mae gan Gwylanedd Un ystafell wely maint brenin ac ystafell wely bâr, ac mae gan Gwylanedd Dau ystafell wely maint brenin.

Mae’r ceginau modern, llawn cyfarpar, yn cynnwys peiriant golchi llestri, oergell a rhewgell maint llawn, peiriant golchi dillad, microdon a phopty.

Mae Wi-Fi cyflym a Netflix ar gael.

Gwres canolog nwy.

Mae gan Gwylanedd Un falconi gyda golygfa o’r môr.

Mae ystafell esgidiau fawr ym mhob fflat yn rhoi digonedd o le storio ar gyfer cesys a chotiau, ac mae detholiad o offer ar gyfer y traeth yno, gan gynnwys cysgod gwynt, cadeiriau glan môr, a bwcedi a rhawiau.

Mae gan Lanfairfechan gysylltiadau cludiant cyhoeddus da, ac mae gan y fflatiau leoedd parcio preifat oddi ar y ffordd.

Gallai’r naw gris at y drws a grisiau mewnol beri trafferthion i bobl â phroblemau symudedd. Dim anifeiliaid anwes. Dim ysmygu. Diwrnod cyrraedd / gadael: dydd Gwener. Mae gwyliau byr ar gael rhwng mis Hydref a mis Mawrth, ac ar y funud olaf yn ystod y tymor prysur - lleiafswm o 3 noson.

I archebu ffoniwch 07931 489600 / 01248 681365 neu anfon e-bost at jeanjones@gwylanedd.com.