Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 228

, wrthi'n dangos 1 i 20.

1
2
3
...
11
12
nesaf

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Amgueddfa’r Home Front Experience

Cyfeiriad

New Street, Llandudno, Conwy, LL30 2YF

Ffôn
01492 871032

info@homefrontmuseum.co.uk

Llandudno

Dewch i Amgueddfa’r Home Front i gamu’n ôl mewn amser - i’r 1940au ym Mhrydain. Yn yr amgueddfa unigryw ac annibynnol hon, cewch brofi a thywys eich hunain o amgylch golygfeydd a synau bywyd dinesig yn ystod yr Ail Ryfel Byd.
Amgueddfa ac Oriel Llandudno

Cyfeiriad

Chardon House, 17-19 Gloddaeth Street, Llandudno, Conwy, LL30 2DD

Ffôn
01492 701490

info@llandudnomuseum.co.uk

Llandudno

Mae gan yr Amgueddfa chwe oriel barhaol yn adrodd hanesion gorffennol Llandudno gan gynnwys y trigolion cynharaf, creu’r dref Fictoraidd, a’i lle fel hafan ddiogel yn ystod yr Ail Ryfel Byd.
Sŵ Mynydd Cymru - Sŵ Genedlaethol Cymru

Cyfeiriad

Old Highway, Colwyn Bay, Conwy, LL28 5UY

Ffôn
01492 532938

info@welshmountainzoo.org

Colwyn Bay

Teithiwch i dopiau Bae Colwyn i gyfarfod anifeiliaid o bob cwr o’r byd, gweld golygfeydd arbennig a chrwydro Gerddi Flagstaff a’u harddwch sy’n gartref i’r Sŵ gadwraeth wobrwyol yma.
Crwydrwch y llwybrau coediog, ymlaciwch ar y llethrau gleision a…
Distyllfa Penderyn

Cyfeiriad

Lloyd Street, Llandudno, Conwy, LL30 2YG

Ffôn
01492 701530

llandudno@penderyn.wales

Llandudno

Distyllfa Penderyn yw cartref Wisgi Cymreig sydd wedi ail-gyflwyno distyllu i Gymru ar ôl canrif a mwy. Maent yn cynhyrchu wisgi a gwirodydd Cymreig sydd wedi ennill gwobrau ac maent yn allforio i dros 50 o wledydd ledled y byd.
Llwybr Treftadaeth Llandudno

Cyfeiriad

Llandudno, Conwy, LL30 2RP

Llandudno

Mae Llwybr Tref Llandudno yn cynnwys 15 lleoliad, o’r promenâd i’r pier, o strydoedd siopa i draethau euraid, o erddi i bentir y Gogarth.
Guide North Wales

Cyfeiriad

Llandudno, Conwy, LL30 2PE

Ffôn
07980 013630

info@guidenorthwales.com

Llandudno

Teithiau hanesyddol o amgylch Llandudno, Conwy a Gogledd Cymru ar gyfer ymweliadau ysgol, grwpiau ac unigolion.
Clwb Golff Llanfairfechan

Cyfeiriad

Llannerch Road, Llanfairfechan, Conwy, LL33 0EB

Ffôn
01248 680144

contactus@llanfairfechangolfclub.co.uk

Llanfairfechan

Mae cwrs golff parcdir Llanfairfechan yn cynnig cefnlen fynyddig fendigedig, golygfeydd gwych dros y Fenai i Ynys Môn, a gallwch chwarae dwy rownd o naw twll o wahanol diau gyda rhai lawntiau ychwanegol.
Pysgota yn Llyn Aled

Cyfeiriad

Llyn Aled, Pentrefoelas, Conwy

Ffôn
01490 389222

Pentrefoelas

Mae Llyn Aled yng nghanol rhostiroedd uchel Hiraethog. Mae’r safle anial, ond hyfryd hwn sydd dros 250 troedfedd uwch lefel y môr, yn gallu bod yn wyntog, ond dyma le da iawn i bysgota cwrs am ddraenogiaid, penhwyaid bras a chochiaid.
Canolfan Hamdden Dyffryn Conwy

Cyfeiriad

Nebo Road, Llanrwst, Conwy, LL26 0SD

Ffôn
0300 4569525

hamdden.leisure@conwy.gov.uk

Llanrwst

Lleolir Canolfan Hamdden Dyffryn Conwy wrth ymyl yr ysgol uwchradd yn Llanrwst. Mae'n cynnig neuadd chwaraeon i’w llogi ar gyfer chwaraeon a gweithgareddau amrywiol ac yn ogystal â champfa sy'n cynnig ystafell bwysau ac offer cardio.
Pedal MTB

Cyfeiriad

Trefriw, Conwy, LL27 0RJ

Ffôn
01492 338877

info@pedalmtb.co.uk

Trefriw

Rydym yn gwmni hyfforddi beicio mynydd blaenllaw yng Ngogledd Cymru, ac rydym yn cael ein hadnabod ledled y byd am ddarparu hyfforddiant sy’n canolbwyntio ar y cleient.
Llwybr Arfordir Cymru

Cyfeiriad

Conwy

wcp@cyfoethnaturiolcymru.gov.uk

Mae’r llwybr cerdded pellter hir hwn yn mynd o gyrion Caer yn y gogledd, i Gas-gwent yn y de; pellter o 870 milltir (1400km).
Sgôr Teithwyr TripAdvisor
290 adolygiadau
Cronfa Ddŵr a Chanolfan Ymwelwyr Llyn Brenig

Cyfeiriad

Alwen, Cerrigydrudion, Conwy, LL21 9TT

Ffôn
01490 389227

llynbrenig@dwrcymru.com

Cerrigydrudion

Diolch i Ddŵr Cymru, mae Llyn Brenig yn ganolbwynt iechyd a lles. Mae’n lle gwych i ymweld ag o i osgoi’r dorf a mwynhau awyr iach wrth i chi gerdded, beicio, pysgota, bwyta ac edmygu’r golygfeydd
Llwybrau Beicio Mynydd Penmachno

Cyfeiriad

Penmachno, Conwy, LL24 0YP

info@penmachnobiketrails.org.uk

Penmachno

Llwybrau Penmachno yw un o ganolfannau beicio mynydd gorau Gogledd Cymru. Mae yma ddau lwybr - Dolen Machno (19cilomedr) a Dolen Eryri (11 cilomedr) - gallwch eu beicio’n unigol neu fel clamp o daith hir 30 cilomedr.
Sgôr Teithwyr TripAdvisor
14 adolygiadau
Canolfan Ddringo Boathouse

Cyfeiriad

The Old Lifeboat Station, Lloyd Street, Llandudno, Conwy, LL30 2YG

Ffôn
01492 353535

climb@boathouseclimbingcentre.co.uk

Llandudno

Rydym yn annog amgylchedd cyfeillgar a pharchus lle gall holl ddringwyr herio eu hunain, o ddechreuwyr i ddringwyr profiadol ac uwch.
Llwybr Llyn Crafnant yn Addas i'r Teulu Cyfan

Cyfeiriad

Llyn Crafnant, Trefriw, Conwy, LL27 0JZ

Trefriw

Mae’r gylchdaith hon yn mynd â chi o amgylch Llyn Crafnant yng ngodidowgrwydd Parc Cenedlaethol Eryri uwchlaw pentref Trefriw yn Nyffryn Conwy.
Canolfan Nofio Llandudno

Cyfeiriad

Mostyn Broadway, Llandudno, Conwy, LL30 1YR

Ffôn
0300 4569525

hamdden.leisure@conwy.gov.uk

Llandudno

Mae Canolfan Nofio Llandudno yn cynnig pwll cystadlu 25 metr, 8 lôn yn ogystal â phwll ymarfer 20 metr, 4 lôn. Mae'r ddau bwll yn cynnwys llawr symudol, sy'n caniatáu mwy o hyblygrwydd gyda sut y defnyddir y pwll.
Llwybr Adar Conwy

Cyfeiriad

Conwy Culture Centre, Conwy, Conwy, LL32 8NU

Conwy

Mewn cydweithrediad â’r prosiect Carneddau a Thîm Tref Conwy, cynhaliwyd gweithdai celf i gefnogi dylunio a chreu cerfluniau adar copr. Gosodwyd y rhain ar adeiladau arwyddocaol o amgylch y dref i greu llwybr.
Taith Pererin Gogledd Cymru

Cyfeiriad

Conwy, LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli.
Llwybr Hiraethog

Cyfeiriad

Pentrefoelas, Conwy, LL24 0LD

Pentrefoelas

Mae’r llwybr diddorol a golygfaol hwn yn cysylltu pentrefi Mynydd Hiraethog, sef Pentrefoelas, Cerrigydrudion, Llanfihangel Glyn Myfyr a Llanrhaeadr ar hyd cyfres o lwybrau cyhoeddus, lonydd a ffyrdd gwledig tawel.
Teithiau Cysegredig yng Nghonwy Wledig

Cyfeiriad

Betws-y-Coed, Conwy, LL24 0AL

Betws-y-Coed

Mae llwybrau Drysau Cysegredig yn cysylltu rhai o eglwysi a chapeli mwyaf diddorol pentrefi a threfi bach Dyffryn Conwy.