Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 228

, wrthi'n dangos 41 i 60.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Taith Ucheldir Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Taith gron 4.5 milltir (7 cilomedr) o hyd o dref Llanfairfechan at odre mynyddoedd y Carneddau, drwy dirlun sy’n llawn nodweddion archaeolegol yn dyddio o Oes y Cerrig.
Teithiau Cerdded Llanrwst: Llwybr 2 yn cynnwys Coed y Felin

Cyfeiriad

Glasdir, Station Road, Llanrwst, Conwy, LL26 0DF

Llanrwst

Mae'r gylchdaith hon yn cychwyn o dref farchnad Llanrwst ac yn mynd â chi trwy goetir hynafol Coed y Felin Llanddoged i bentref Llanddoged ac yna byddwch yn dilyn llwybrau ar draws tir fferm gyda golygfeydd godidog o Eryri a Dyffryn Conwy.
Llwybr Hiraethlyn, Eglwysbach

Cyfeiriad

Eglwysbach, Conwy, LL28 5UD

Eglwysbach

Taith gron hawdd, 3.5 milltir o hyd o amgylch pentref Eglwysbach ar draws caeau, lonydd a ffyrdd eilaidd, gyda golygfeydd da o’r dyffryn a mynyddoedd y Carneddau.
Pont Grog Conwy

Cyfeiriad

Conwy, Conwy, LL32 8LD

Ffôn
01492 573282

conwybridge@nationaltrust.org.uk

Conwy

Cerddwch dros yr Afon Conwy ar Bont Grog Thomas Telford, gyda golygfa o Gastell Conwy, Eryri a’r Aber.
Y Tŷ Lleiaf ym Mhrydain

Cyfeiriad

Lower Gate Street, Conwy, Conwy, LL32 8BE

Ffôn
01492 573965

info@thesmallesthouse.co.uk

Conwy

Gellir dod o hyd i’r Tŷ Lleiaf ym Mhrydain yn swatio o blith teras o dai ar lan y cei yng Nghonwy. Ni allwch golli’r tŷ lleiaf a byddech yn wallgof i beidio â bwrw’ch pen i mewn i gael golwg ar eich ffordd heibio.
Ap Treftadaeth Llwybr Dychmygu yn Rhad ac am Ddim

Cyfeiriad

Ap Treftadaeth am Ddim | Free Heritage App, Bae Colwyn | Colwyn Bay, Mochdre, Hen Golwyn | Old Colwyn, Llandrillo-yn-Rhos | Rhos-on-Sea

Ffôn
01492 574253

diwylliant.culture@conwy.gov.uk

Bae Colwyn | Colwyn Bay, Mochdre, Hen Golwyn | Old Colwyn, Llandrillo-yn-Rhos | Rhos-on-Sea

Dewch ar antur gyda’r Llwybr Dychmygu - daw gorffennol Bro Colwyn a Mochdre yn fyw gyda’r ap hwn y gellir ei lawrlwytho’n rhad ac am ddim.
Twyni Cinmel

Cyfeiriad

St Asaph Avenue North, Kinmel Bay, Conwy, LL18 5EQ

cg.cs@conwy.gov.uk

Kinmel Bay

Mae Twyni Cinmel yn rhoi cyfle i chi gerdded neu feicio drwy system dwyni tywod weithredol gan ddilyn y llwybrau.
Taith Feicio ar y Ffordd o amgylch Llandudno

Cyfeiriad

Llandudno, Conwy, LL30 2LP

allmail@cyclingnorthwales.co.uk

Llandudno

Taith amrywiol o amgylch tref glan môr Fictoraidd Llandudno a’r Gogarth ac yn ôl Ddeganwy. Tua 15 milltir (24 km) o hyd gyda nifer o rannau sy’n codi’n raddol.
Clwb Golff Gogledd Cymru

Cyfeiriad

Bryniau Road, West Shore, Llandudno, Conwy, LL30 2DZ

Ffôn
01492 875325

enquiries@northwalesgolfclub.co.uk

Llandudno

Mae Clwb Golff Gogledd Cymru yn nhref glan môr heulog Llandudno, gyda golygfeydd gwych dros foryd Conwy i Ynys Môn a mynyddoedd Eryri.
Theatr Colwyn

Cyfeiriad

Abergele Road, Colwyn Bay, Conwy, LL29 7RU

Ffôn
01492 556677

theatrcolwyn@conwy.gov.uk

Colwyn Bay

Mae Theatr Colwyn yn theatr a sinema hanesyddol sy’n defnyddio’r dechnoleg ddiweddaraf i gynnig i gwsmeriaid brofiad adloniannol o’r unfed ganrif ar hugain gyda blas cyfeillgar a thraddodiadol iddo.
Canolfan Hamdden John Bright

Cyfeiriad

Ysgol John Bright, Maesdu Road, Llandudno, Conwy, LL30 1LF

Ffôn
0300 4569525

hamdden.leisure@conwy.gov.uk

Llandudno

Mae Canolfan Hamdden John Bright wedi'i lleoli wrth ymyl yr ysgol uwchradd yn Llandudno.
Gwarchodfa Natur Lleol Coedwig Bodlondeb

Cyfeiriad

Bodlondeb, Bangor Road, Conwy, Conwy, LL32 8DU

Ffôn
01492 575542

Conwy

Mae’r coetir cymysg deniadol hwn o 7.5 ha rhwng Parc Bodlondeb yng Nghonwy a glan ddeheuol Moryd Conwy, ac mae’n gartref i amrywiaeth o famaliaid, adar ac ieir bach yr haf.
Llwybr Beicio Cenedlaethol 5 - Sir Conwy

Cyfeiriad

Holyhead - Chester, Conwy

Holyhead - Chester

Mae rhan Sir Conwy o Lwybr Beicio Cenedlaethol 5 yn mynd â chi ar hyd yr arfordir.
A Python On The Prom: Terry Jones Statue

Cyfeiriad

Colwyn Bay, Colwyn Bay Promenade

Terry Jones’ statue in north Wales, celebrating him as the Nude Organist from Monty Python’s Flying Circus, will be unveiled on 25th April 2026 by his family and friends from the comedy world.
Taith y Ddau Lyn

Cyfeiriad

Llanfihangel GM, Conwy, LL21 9UR

Llanfihangel GM

Mae’r daith feicio hon (49cilomedr, dringo 943m) yn mynd o bentref Llanfihangel Glyn Myfyr a thrwy Goedwig Clocaenog i fyny at Gronfa Ddŵr Llyn Alwen ac ymlaen i Lyn Brenig ar hyd lonydd coedwig.
Llwybr Treftadaeth Parc Eirias

Cyfeiriad

Parc Eirias, Abergele Road, Colwyn Bay, Conwy, LL29 7SP

Colwyn Bay

Mae hon yn daith gerdded gylchol hawdd, ddwy filltir o amgylch Parc Eirias yn archwilio hanes y parc.
Taith Pererin Gogledd Cymru

Cyfeiriad

Conwy, LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli.
Llwybr Treftadaeth Colwyn

Cyfeiriad

Colwyn Bay Library, Woodland Road West, Colwyn Bay, Conwy, LL29 7DH

Colwyn Bay

Darganfyddwch sut datblygodd Bae Colwyn a dysgwch fwy am dreftadaeth hanesyddol a diwylliannol gyfoethog y dref trwy gerdded trwy amser.
Llwybr Hiraethog

Cyfeiriad

Pentrefoelas, Conwy, LL24 0LD

Pentrefoelas

Mae’r llwybr diddorol a golygfaol hwn yn cysylltu pentrefi Mynydd Hiraethog, sef Pentrefoelas, Cerrigydrudion, Llanfihangel Glyn Myfyr a Llanrhaeadr ar hyd cyfres o lwybrau cyhoeddus, lonydd a ffyrdd gwledig tawel.
Teithiau Cerdded Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Pum taith gerdded, o bellter amrywiol, o amgylch pentref Llanfairfechan ar arfordir y gogledd. Mae pob taith yn dechrau o’r maes parcio ar Ffordd yr Orsaf a gallwch brynu lluniaeth o’r siopau a’r tafarndai lleol.