Am

** Mae Cebl Ceir nawr ar agor - yn dibynnol ar y tywydd **

Sylwch mai Arian Parod yn Unig yw'r atyniad hwn ac nid oes peiriant arian ar gael am y Cyfadeilad Copa'r Gogarth.

Mwynhewch daith ar Gar Cebl Llandudno yn ystod eich ymweliad â'r gyrchfan hyfryd.

Mae’r profiad unigryw hwn a agorwyd ar 30 Mehefin 1969 fel y system car cebl teithwyr hiraf ym Mhrydain, yn parhau i fod yn un o atyniadau mwyaf poblogaidd y dref.

Golygfeydd Anhygoel

Wrth i Geir Cebl Llandudno lithro’n dawel o’r Fach i Ben y Gwylfryn, 679 troedfedd i fyny, gallwch weld golygfeydd panoramig syfrdanol o Fae Llandudno, Trwyn y Fuwch, Moryd Conwy a milltiroedd allan dros Fôr Iwerddon. Ac yna edrych i lawr ar erddi hardd y Fach neu gael cipolwg ar y cyffro yng Nghanolfan Sgïo ac Eirafyrddio Llandudno.

Y pellter i'r copa yw ychydig dros filltir ac mae'r daith hamddenol yn cymryd tua naw munud ar raff ddur ddiddiwedd.

Mae Ceir Cabl Llandudno wedi eu paentio’n goch, melyn, oren a glas golau gan eu gwneud yn ychwanegiad lliwgar i dirlun Parc Gwledig y Gogarth.

Y pellter mwyaf o'r ddaear yw tua 80 troedfedd ac mae naw peilon yn cynnal y cebl.

Pethau i'w gwneud ar Ben y Gwylfryn

Unwaith y byddwch ar y copa (Pen y Gwylfryn), mae mwy o olygfeydd trawiadol i’w mwynhau.

Mae Ynys Môn, mynyddoedd Eryri, Ynys Seiriol a’r tu hwnt i gyd i’w gweld.

Gallwch grwydro’r Gogarth trwy ddilyn un o'r llwybrau troed niferus.

Galwch i mewn i Ganolfan Ymwelwyr Parc Gwledig y Gogarth lle mae arddangosion rhyngweithiol a chlyweledol yn disgrifio hanes, daeareg a bywyd gwyllt y Gogarth.

Gallwch hefyd brynu detholiad o daflenni llwybrau cerdded a natur.

Mae gan Ganolfan Pen y Gwylfryn ar y Gogarth, a fu unwaith yn eiddo i’r bocsiwr Randolph Turpin, fwyty, caffi, bar a siop yn ogystal â maes chwarae antur a Golff Antur Rocky Pines.

Prynu eich tocyn ar gyfer Car Cebl Llandudno

Gallwch brynu tocyn sengl neu ddwyffordd ar Gar Cebl Llandudno o orsaf y Fach neu o derfynfa Pen y Gwylfryn. (Noder, nid yw'r Car Cebl yn derbyn taliad cerdyn - arian parod yn unig). Nid oes modd trosglwyddo tocynnau i'w defnyddio ar Dramffordd y Gogarth.

Yn anffodus, ni all Ceir Cebl Llandudno weithredu ar ddiwrnodau gwyntog iawn, felly i osgoi cael eich siomi ffoniwch i gael amseroedd agor 01492 877205.