Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 228

, wrthi'n dangos 201 i 220.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Hen Eglwys Sant Mihangel

Cyfeiriad

Old Church Road, Betws-y-Coed, Conwy, LL24 0AL

Ffôn
01492 643526

friends@stmichaelsbyc.org.uk

Betws-y-Coed

Adeiladwyd yr eglwys yn y 14eg Ganrif a hwn yw’r adeilad hynaf ym Metws-y-Coed. Mae arddelw Gruffydd ap Dafydd Goch yn yr eglwys, bedyddfaen Normanaidd a nifer o nodweddion diddorol eraill.
Oriel Mostyn

Cyfeiriad

12 Vaughan Street, Llandudno, Conwy, LL30 1AB

Ffôn
01492 879201

post@mostyn.org

Llandudno

Mostyn yw un o orielau celf gyfoes gorau’r DU - byd o greadigrwydd 4 munud o’r traeth.
Traeth Penmaenmawr

Cyfeiriad

Penmaenmawr, Conwy, LL34 6AZ

Ffôn
01492 596253

harbour@conwy.gov.uk

Penmaenmawr

Traeth tywod hir gyda phromenâd sydd wedi’i adnewyddu yn ddiweddar. O Benmaenmawr fe welwch Afon Menai a’i holl gyfleusterau sy’n ei wneud yn gyrchfan boblogaidd i deuluoedd.
Pensarn Pleasure Beach

Cyfeiriad

Pensarn, Abergele, Conwy, LL22 7PP

Ffôn
07789 347085

sia920@aol.com

Abergele

Arcêd Adloniant a chanolfan adloniant i deuluoedd ar y promenâd yn Abergele.
Parc Hwyl Knightly's

Cyfeiriad

Sandbank Road, Towyn, Conwy, LL22 9LD

Ffôn
01745 351112

luke@knightlysfunparks.com

Towyn

Wedi bod yn dod â hwyl a chwerthin i wyliau’r haf ers dros 50 mlynedd, mae Knightly’s Leisure yn Nhowyn yn gartref i’ch hoff deithiau yn y ffair ac arcedau mewn lleoliad glan môr bendigedig.
Amgueddfa Syr Henry Jones

Cyfeiriad

Y Cwm, Llangernyw, Abergele, Conwy, LL22 8PR

Ffôn
01745 860630

syrhenryjones@hotmail.com

Abergele

Cartref plentyndod Syr Henry Jones (1852-1922) yw’r amgueddfa. Ganwyd Syr Henry Jones i bobl gyffredin ond fe ddyrchafodd i fod yn Athro enwog ar Athroniaeth Foesol ym Mhrifysgol Glasgow ac roedd yn ddylanwad pwysig ar system addysg Cymru.
Canolfan Hamdden Abergele

Cyfeiriad

Faenol Avenue, Abergele, Conwy, LL22 7HT

Ffôn
0300 4569525

hamdden.leisure@conwy.gov.uk

Abergele

Mae digon i'w wneud yng Nghanolfan Hamdden Abergele gyda phwll nofio, neuadd chwaraeon, campfa ac amserlen dosbarthiadau ffitrwydd amrywiol.
Oriel y Bae

Cyfeiriad

BayView Shopping Centre, Sea View Road, Colwyn Bay, Conwy, LL29 8DG

Ffôn
07909 893254

baygalleryevents@gmail.com

Colwyn Bay

Oriel gelf a chrefft gymunedol yw The Bay Gallery, sy’n cael ei rhedeg fel elusen fach gan wirfoddolwyr lleol, gan gynnig cyfle i arlunwyr lleol arddangos a gwerthu eu gwaith. Mae’n cynnal dosbarthiadau a gweithdai celf wythnosol hefyd.
Clwb Hwylio Bae Colwyn

Cyfeiriad

Sea Sports Association Clubhouse, Promenade, Rhos-on-Sea, Conwy, LL28 4UL

sailcolwyn@gmail.com

Rhos-on-Sea

Clwb Hwylio lleol, yn Llandrillo-yn-Rhos. Mae’r adran cychod criwser ar gynnydd. Rhaglen ar gyfer cychod pleser drwy’r haf.
Mynydd Marian

Cyfeiriad

Bron y Llan, Llysfaen, Colwyn Bay, Conwy, LL29 8SP

cg.cs@conwy.gov.uk

Colwyn Bay

Mae Mynydd Marian yn gefnen fechan o garreg galch sydd â golygfeydd godidog o’r arfordir a’r cefn gwlad gerllaw, yn ogystal â mynyddoedd Eryri a Bryniau Clwyd yn y pellter.
Yr Academi Frenhinol Gymreig

Cyfeiriad

Crown Lane, Conwy, Conwy, LL32 8AN

Ffôn
01492 593413

rca@rcaconwy.org

Conwy

Mae’r Academi Frenhinol Gymreig yn sefydliad unigryw yng Nghymru. Mae’n elusen annibynnol sy’n cefnogi celf ac artistiaid Cymreig ac yma caiff celf ei chydnabod, ei chreu, ei harddangos a’i thrafod.
Tŷ Hyll

Cyfeiriad

Capel Curig, Betws-y-Coed, Conwy, LL24 0DS

Ffôn
07511534282

jmdavies63@yahoo.com

Betws-y-Coed

Cymdeithas Eryri sy’n gofalu am Tŷ Hyll. Mae pwy adeiladodd y tŷ a phryd yn parhau’n ddirgelwch. Cartref i dŷ te bendigedig gyda gardd naturiol yn derbyn gofal gan grŵp o wirfoddolwyr.
Traeth Porth Eirias

Cyfeiriad

Porth Eirias, Colwyn Bay, Conwy, LL29 8HH

Ffôn
01492 596253

harbour@conwy.gov.uk

Colwyn Bay

Bellach gall ymwelwyr i Fae Colwyn fwynhau traeth tywodlyd eang Porth Eirias a mwynhau golygfeydd lan y môr o’r promenâd newydd a’i seddi deniadol ac ardaloedd wedi tirlunio.
Traeth y Gogledd Llandudno

Cyfeiriad

North Shore, Llandudno, Conwy, LL30 2LG

Ffôn
01492 596253

harbour@conwy.gov.uk

Llandudno

Traeth y Gogledd yw prif draeth Llandudno, ac mae’n draeth cysgodol gyda phier Fictoraidd a phromenâd llydan yng nghysgod penrhyn godidog Pen y Gogarth.
Teithiau Cychod Llandudno

Cyfeiriad

North Shore Jetty, Promenade, Llandudno, Conwy, LL30 2LS

Ffôn
07833 498557

Llandudno

Mae'r Sea Jay a’r Seaborne yn cychwyn o'r lanfa ar Bromenâd Llandudno. Mae’r tripiau’n mynd heibio Pier Llandudno i weld yr ogofau, cildraethau a’r goleudy a llawer iawn o olygfeydd gwych eraill y gellir ond eu gweld o’r môr.
Canolfan Cadwraeth a Gwarchod Natur Pensychnant

Cyfeiriad

Sychnant Pass, Conwy, Conwy, LL32 8BJ

Ffôn
01492 592595

jpt.pensychnant@btinternet.com

Conwy

Ar 150 erw o dir, gallwch fwynhau heddwch Pensychnant. Adeiladwyd o fewn Bwlch Sychnant gyda golygfeydd o Fynyddoedd y Carneddau, gallwch gerdded adfeilion canoloesol, rhostir a mwynhau cân y frân goesgoch ac ehedyddion.
Archwiliwr y Gogarth

Cyfeiriad

Pier Entrance, Llandudno, Conwy, LL30 2LP

Ffôn
01492 879133

sales@alpine-travel.co.uk

Llandudno

Dewch ar daith i gopa’r Gogarth! Mae’r daith, a gaiff ei chynnal bob awr, yn gwneud y mwyaf o olygfeydd y Gogarth gan fynd heibio tirnodau hanesyddol a golygfeydd godidog, gan oedi ar gopa’r Gogarth cyn dechrau ar ei siwrnai yn ôl i lawr.
Golff Gwyllt Rhos Fynach

Cyfeiriad

Rhos Fynach, Rhos Promenade, Rhos-on-Sea, Conwy, LL28 4NG

Ffôn
01492 548185

bookings@rhosfynach.co.uk

Rhos-on-Sea

Mae Golff Gwyllt Rhos Fynach yn gwrs golff gwyllt 9 twll gwych, perffaith i’r teulu cyfan. Gyda’r môr y tu ôl i chi, gallwch daclo’r castell, cwch môr-ladron a’r goleudy i fynd o amgylch y cwrs.
Llwybr Beicio o Amgylch y Llyn

Cyfeiriad

Alwen, Cerrigydrudion, Conwy, LL21 9TT

Cerrigydrudion

Mae’r llwybr hwn, sydd tua 15.2km o hyd, yn addas ar gyfer dechreuwyr a theuluoedd. Dechreua’r llwybr o brif faes parcio Canolfan Ymwelwyr Llyn Brenig.
Rheilffordd Dyffryn Conwy

Cyfeiriad

Railway Station, Augusta Street, Llandudno, Conwy, LL30 2AF

customer.relations@tfwrail.wales

Llandudno

Mae lein Dyffryn Conwy yn rhan o’r Rhwydwaith Rheilffrdd Cenedlaethol. Mae’n rhedeg wrth ochr un o afonydd mwyaf Cymru, Afon Conwy, wedyn yn dilyn glannau’r Afon Lledr wyllt, wedi iddi uno ag Afon Conwy ym Metws-y-Coed.