Am

Crwydro Llandudno a darganfod cysylltiadau Alice Liddell (y gwir Alys yng Ngwlad Hud) a fu ar ei gwyliau yn yr ardal yn y 1860au.

Diwrnod llawn hwyl gyda sawl cyfle i dynnu llun, a darganfod amrywiaeth o gerfluniau Alys yng Ngwlad Hud o gwmpas y dref. 

Mae 34 pwynt o ddiddordeb ar hyd y llwybr, sy’n gwahodd ymwelwyr i gyflawni eu taith hudol eu hunain o amgylch byd hudolus Llandudno.

Mae’r daith yn eich arwain heibio Neuadd y Dref, ar hyd Madoc Street ac i’r Promenâd cyn mentro i harddwch Y Fach. 

Yma, gallwch ymlacio gyda phicnic a mwynhau’r olygfa ogoneddus.

Nesaf, wrth i chi fentro at y Camera Obscura, mae modd gweld golygfeydd anhygoel o’r cyrchfan glan y môr Fictoraidd hyfryd a harddwch Penmorfa!

Mae’r daith yn eich tywys drwy Erddi Haulfre lle y ceir hyd i Twidl-dwm a Twidl-di cyn cyrraedd Penmorfa lle’r oedd tŷ gwyliau Alys gyda’r un enw “Penmorfa”. 

Wedi hynny cewch weld y Gath Sir Gaer.  Pwy wyddai y gallai cathod wenu?  Yna ewch ar hyd Gloddaeth Street i weld Brenhines y Calonnau!  Ydych chi’n ei chlywed yn galw?

Mae modd prynu map Llwybr Alys o Ganolfan Groeso Llandudno am £3.50.

**** Cofiwch ddefnyddio #llwybralys ar gyfer unrhyw luniau ar hyd eich taith yng Ngwlad Hud!