Am

AquaTour – Anturiaethau cychod cyflym RIB o Gonwy

Paratowch i brofi’r antur eithaf gydag AquaTour – prif ddarparwr teithiau cychod RIB cyffrous ar hyd arfordir anhygoel gogledd Cymru. Gan adael harbwr canoloesol hardd Conwy mae AquaTour yn cynnig teithiau cyflym cyffrous, teithiau bywyd gwyllt a theithiau golygfaol ar hyd yr arfordir sy’n berffaith ar gyfer teuluoedd, cyplau ac anturiaethwyr o bob oed.

Mae ein teithiau cyffrous ar gychod RIB yn mynd â chi ar antur fythgofiadwy drwy ardaloedd mwyaf syfrdanol y DU sy’n llawn bywyd gwyllt, yn cynnwys Ynys Seiriol, y Gogarth, Bae Colwyn ac Afon Menai.

Pa un ai ydych chi’n chwilio am daith ar gwch cyflym, cyfle i weld morloi, palod, llamidyddion ac adar y môr neu ddarganfod ogofau cudd a hanesion am longddrylliadau ac arwyr arfordirol, mae gan AquaTour y daith berffaith i chi.

Pam dewis AquaTour?

• Gwylio bywyd gwyllt: Morloi, palod, bilidowcars, llamidyddion a mwy
   
• Teithiau cyflym cyffrous a hwyl yn hwylio tonnau’r dŵr agored
   
• Teithiau tywys ar hyd yr arfordir gyda sylwebaeth ddiddorol ac addysgiadol
   
• Teithiau i Ynys Seiriol, y Gogarth, Afon Menai a thu hwnt
   
• Gadael Cei Conwy – ychydig funudau o’r A55
   

Mae pob taith yn cael ei harwain gan gapteiniaid profiadol sy’n adnabod yr arfordir fel cefn eu llaw ac yn frwdfrydig dros arddangos gogledd Cymru o safbwynt gwahanol. Mae ein cychod RIB yn gyflym, yn ddiogel ac yn gyfforddus – ac rydym ni’n darparu’r holl offer diogelwch, yn cynnwys dillad glaw a siacedi achub.

Mae ein teithiau mwyaf poblogaidd yn para oddeutu 1 awr ond mae gennym ni hefyd brofiadau hirach a chychod hurio preifat ar gyfer grwpiau, pen-blwyddi, achlysuron arbennig a ffilmio a ffotograffiaeth. Cadwch lygad ar ein cyfryngau cymdeithasol am deithiau a digwyddiadau arbennig yn ystod y tymor.

Archebwch ar-lein heddiw

Yn berffaith ar gyfer ymwelwyr i Eryri, Conwy, Llandudno, Ynys Môn a’r ardaloedd cyfagos, mae AquaTour yn un o’r darparwyr gweithgareddau awyr agored gorau yng ngogledd Cymru. Archebwch eich taith mewn cwch ar-lein heddiw a chadw’ch sêt ar antur fythgofiadwy ar y dŵr.

Ewch i www.aquatour.co.uk neu dilynwch ni ar y cyfryngau cymdeithasol @AquatourOfficial i wirio amseroedd, argaeledd a’r cynigion diweddaraf.