Am

Dewch i weld yr atyniad sy’n dal Record y Byd Guinness ac wedi ennill gwobr Tywysog Cymru, sef Mwyngloddiau Copr y Gogarth, y mwynglawdd metel hynaf yn y byd sydd ar agor i’r cyhoedd.

Cewch grwydro’r llwybrau 3,500 o flynyddoedd oed sy’n arwain at y ceudwll mawr; y cloddiad tanddaearol mwyaf yn y byd o’r oes cyn hanes. Wrth ddychwelyd i’r wyneb, dilynwch y llwybrau i’r mwynglawdd agored 4,000 o flynyddoedd oed ac yn y lloches fwyndoddi, fe welwch chi arddangosfa fideo o’r ffordd roedd ein hen, hen hynafiaid yn troi mwynau’n fetel. Yna, wrth deithio ymlaen mewn amser o’r Oes Efydd i’r bedwaredd ganrif ar bymtheg, gallwch edrych i lawr siafft 470 troedfedd o hyd sy’n ymestyn yr holl ffordd at lefel y môr.

Hefyd ar y safle mae siop yn gwerthu crisialau, ffosilau, gemwaith, llyfrau a mwy, yn ogystal â siop llyfrau ail-law.