Haf yng Nghonwy

Chwilio am wyliau haf yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023/2024 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Nifer yr eitemau:

Nifer yr eitemau: 103

, wrthi'n dangos 1 i 20.

1
2
3
4
5
6
nesaf

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Llwybr Beicio Marine Drive

Cyfeiriad

Marine Drive, Great Orme, Llandudno, Conwy, LL30 2LP

allmail@cyclingnorthwales.co.uk

Llandudno

Llwybr beicio o amgylch Marine Drive ar y Gogarth, Llandudno.
Clwb Mordeithio Gogledd Cymru

Cyfeiriad

Conwy

Ffôn
01492 593481

info@nwcc.com

Y clwb yw un o’r clybiau hwylio mwyaf yng Ngogledd Cymru.
Taith Gerdded Treftadaeth Llandrillo-yn-Rhos

Cyfeiriad

Cayley Promenade, Rhos-on-Sea, Conwy, LL28 4EP

info@colwynbayheritage.org.uk

Rhos-on-Sea

Mae Llwybr Treftadaeth Llandrillo-yn-Rhos yn mynd trwy 25 safle hanesyddol mewn 3 awr yn unig, gan gynnwys Eglwys Sant Trillo (yr eglwys leiaf ym Mhrydain) ac adfeilion Bryn Euryn, bryngaer o’r 5ed Ganrif gyda golygfeydd gwych.
Taith Feicio ar y Ffordd o amgylch Cyffordd Llandudno

Cyfeiriad

Llandudno Junction, Conwy, LL31 9NB

allmail@cyclingnorthwales.co.uk

Llandudno Junction

Mae’r daith hon yn croesi aber Conwy ar hyd lonydd a phentrefi tawel Dyffryn Conwy o Gyffordd Llandudno i Gonwy, Rowen, Henryd ac yn ôl i Gyffordd Llandudno. Mae’r daith tua 14 milltir (22.5 km) o hyd.
Capel Seion

Cyfeiriad

Rowen, Conwy, LL32 8YT

Ffôn
07842 980415

Rowen

Mae Capel Seion yn enghraifft wych o gapel traddodiadol Cymreig a adeiladwyd yn ystod oes aur adeiladu capeli yn y 19eg Ganrif (1819).
Teithiau Cerdded Pentrefoelas

Cyfeiriad

Pentrefoelas, Conwy, LL24 0HT

Ffôn
01492 575290

cg.cs@conwy.gov.uk

Pentrefoelas

Pum cylchdaith o wahanol hyd o bentref Pentrefoelas, sy’n enghraifft wych o bentref 'stad, sy'n cymryd ei enw o'r Foel-las, bryn bychan gerllaw lle bu unwaith gastell canoloesol cynnar.
Conwy’n Cosi’ch Chwilfrydedd

Cyfeiriad

Yn dechrau/Starts - Morfa Bach Car Park, Llanrwst Road, Conwy, Conwy, LL32 8LS

Ffôn
07876 711436

info.conwy@curiousabout.co.uk

Conwy

Beth am gael hwyl wrth ddarganfod mwy am Gonwy drwy ddilyn dau lwybr treftadaeth - fe allwch chi hyd yn oed gymryd rhan mewn helfa drysor!? Gallwch brynu neu lawrlwytho’r teithiau - dewch ‘laen, dewch i ddarganfod mwy!
Llanrwst a Thu Hwnt trwy Ffos Anoddun - Taith Feicio ar y Ffordd

Cyfeiriad

Llanrwst, Conwy, LL26 0AD

allmail@cyclingnorthwales.co.uk

Llanrwst

Taith o tua 15 milltir (24 km) gyda llethrau cymedrol trwy bentrefi Betws-y-Coed, Penmachno, Capel Garmon, heibio i geunant Ffos Anoddun gyda golygfeydd gwych.
Sblash Aqua park

Cyfeiriad

Ty Ffynnon, Graiglwyd Road, Penmaenmawr, LL34 6ER

Ffôn
01492 622338

info@sblash.co.uk

Penmaenmawr,

Paratowch am ddiwrnod bythgofiadwy o hwyl ym Mharc Dŵr Sblash, sef parc dŵr cwrs rhwystrau gwynt gorau Gogledd Cymru! Wedi’i leoli yng nghanol Conwy, mae Sblash yn cynnig profiad llawn cyffro i bawb sy’n chwilio am antur o bob oed.
Llwybr Hiraethog

Cyfeiriad

Pentrefoelas, Conwy, LL24 0LD

Pentrefoelas

Mae’r llwybr diddorol a golygfaol hwn yn cysylltu pentrefi Mynydd Hiraethog, sef Pentrefoelas, Cerrigydrudion, Llanfihangel Glyn Myfyr a Llanrhaeadr ar hyd cyfres o lwybrau cyhoeddus, lonydd a ffyrdd gwledig tawel.
Llwybr Arglwyddes Fair, Coedwig Gwydir

Cyfeiriad

Gwydyr Uchaf, Llanrwst, Conwy, LL26 0PN

Llanrwst

Mae Llwybr yr Arglwyddes Fair yn llwybr byr drwy goetir cymysg gyda golygfeydd hyfryd dros dref Llanrwst ac ar hyd Dyffryn Conwy i gyfeiriad y môr.
Gwarchodfa Natur Leol y Glyn

Cyfeiriad

Pen y Bryn, Old Colwyn, Colwyn Bay, Conwy, LL29 9UU

cg.cs@conwy.gov.uk

Colwyn Bay

Mae’r Glyn yn Warchodfa Natur Leol a choetir hynafol. Mae’r llwybrau coediog drwy’r warchodfa’n dilyn hynt yr Afon Colwyn i ganol Hen Golwyn.
Taith Rhaeadr Ewynnol yng Nghoedwig Gwydir

Cyfeiriad

Ty'n Llwyn, Betws-y-Coed, Conwy, LL24 0DH

Ffôn
0300 0680300

Betws-y-Coed

Mae Llwybr Rhaeadr Ewynnol yn arwain drwy goetir i olygfan dros y rhaeadr - cewch olygfa fendigedig o’r ochr hon i’r afon felly peidiwch ag anghoﬁo’ch camera.
Llwybr Sain Marine Drive

Cyfeiriad

Marine Drive, Great Orme, Llandudno, Conwy, LL30 2LP

Llandudno

Ar y daith sain hunan-dywysedig hon gallwch ddarganfod yr amgylchedd, hanes, archeoleg ac atyniadau amrywiol sydd i’w gweld ar y Gogarth.
Canolfan Ddiwylliant Conwy

Cyfeiriad

Town Ditch Road, Conwy, Conwy, LL32 8NU

Ffôn
01492 577550

archifau.archives@conwy.gov.uk

Conwy

Porth Diwylliannol i Sir Conwy - Mae Canolfan Ddiwylliant Conwy dafliad carreg oddi wrth waliau tref ganoloesol ryfeddol Conwy.
Taith Sain Llwybr Arglwyddes Fair ar MP3

Cyfeiriad

Gwydir Forest, Llanrwst, Conwy, LL26 0PL

Llanrwst

Os oes awydd arnoch daith hamddenol yn ôl i’n gorffennol canoloesol yna mae Taith y Fonesig Fair trwy Goedwig Gwydyr yn berffaith ar eich cyfer. Ar y daith hanesyddol ceir golygfeydd anhygoel o hen dref marchnad Llanrwst.
Guide North Wales

Cyfeiriad

Llandudno, Conwy, LL30 2PE

Ffôn
07980 013630

info@guidenorthwales.com

Llandudno

Teithiau hanesyddol o amgylch Llandudno, Conwy a Gogledd Cymru ar gyfer ymweliadau ysgol, grwpiau ac unigolion.
Canolfan Stablau a Merlota Gwydyr

Cyfeiriad

Ty Coch Farm, Penmachno, Conwy, LL25 0HJ

Ffôn
01690 760248

gwydirstables@btconnect.com

Penmachno

Mae Canolfan Marchogaeth Gwydir wedi’i leoli yng nghanol golygfeydd ardderchog Parc Cenedlaethol Eryri ac maent yn cynnig teithiau marchogaeth o amgylch coedwig Gwydir.
Ap Treftadaeth Llwybr Dychmygu yn Rhad ac am Ddim

Cyfeiriad

Ap Treftadaeth am Ddim | Free Heritage App, Bae Colwyn | Colwyn Bay, Mochdre, Hen Golwyn | Old Colwyn, Llandrillo-yn-Rhos | Rhos-on-Sea

Ffôn
01492 574253

diwylliant.culture@conwy.gov.uk

Bae Colwyn | Colwyn Bay, Mochdre, Hen Golwyn | Old Colwyn, Llandrillo-yn-Rhos | Rhos-on-Sea

Dewch ar antur gyda’r Llwybr Dychmygu - daw gorffennol Bro Colwyn a Mochdre yn fyw gyda’r ap hwn y gellir ei lawrlwytho’n rhad ac am ddim.
Taith Ucheldir Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Taith gron 4.5 milltir (7 cilomedr) o hyd o dref Llanfairfechan at odre mynyddoedd y Carneddau, drwy dirlun sy’n llawn nodweddion archaeolegol yn dyddio o Oes y Cerrig.