Haf yng Nghonwy

Chwilio am wyliau haf yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023/2024 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Nifer yr eitemau:

Nifer yr eitemau: 135

, wrthi'n dangos 121 i 135.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Teithiau pysgota “Sea Fishing Trips” yng Ngogledd Cymru

Cyfeiriad

Deganwy, Conwy, LL31 9TL

Ffôn
01492 572707

carl@sea-fishing-trips.co.uk

Deganwy

Mae cwmni Sea Fishing Trips yng Nghonwy, Gogledd Cymru yn arbenigo mewn pysgota llongddrylliadau, pysgota môr dwfn a physgota creigresi.
Canolfan Stablau a Merlota Gwydyr

Cyfeiriad

Ty Coch Farm, Penmachno, Conwy, LL25 0HJ

Ffôn
01690 760248

gwydirstables@btconnect.com

Penmachno

Mae Canolfan Marchogaeth Gwydir wedi’i leoli yng nghanol golygfeydd ardderchog Parc Cenedlaethol Eryri ac maent yn cynnig teithiau marchogaeth o amgylch coedwig Gwydir.
Sgôr Teithwyr TripAdvisor
8 adolygiadau
Canolfan Ddringo Boathouse

Cyfeiriad

The Old Lifeboat Station, Lloyd Street, Llandudno, Conwy, LL30 2YG

Ffôn
01492 353535

climb@boathouseclimbingcentre.co.uk

Llandudno

Rydym yn annog amgylchedd cyfeillgar a pharchus lle gall holl ddringwyr herio eu hunain, o ddechreuwyr i ddringwyr profiadol ac uwch.
Llwybr Mwynwyr Hafna

Cyfeiriad

Hafna Mine, Nant Bwlch Haearn Road, Trefriw, Conwy, LL27 0JB

Ffôn
0300 0680300

Trefriw

Mae’r llwybr hwn yn arwain ar draws y bryniau coediog, heibio cloddiadau dwfn, siafftiau mwynfeydd wedi’u capio, mynedfeydd y twnnelau a gweddillion hen felinau, lle bu cenedlaethau o fwynwyr yn cloddio plwm a mwyn sinc o’r bryniau.
Cabannau Traeth Penmaenmawr

Cyfeiriad

The Beach Café, The Promenade, Penmaenmawr, Conwy, LL34 6ED

Ffôn
01492 623885

nicola7nicky@gmail.com

Penmaenmawr

Wedi’u lleoli mewn ardal drawiadol ar arfordir Gogledd Cymru nepell o’r A55. Gyda golygfeydd gwych o Ynys Môn ac Ynys Seiriol, mae traeth Penmaenmawr yn lleoliad poblogaidd iawn gydag ymwelwyr a thrigolion lleol.
Y Rhaeadr Ewynnol

Cyfeiriad

Betws-y-Coed, Conwy, LL24 0DW

Ffôn
01690 710770

Betws-y-Coed

Mae’r Rhaeadr Ewynnol yn Ardal o Harddwch Naturiol Eithriadol lle mae’r Afon Llugwy’n llifo drwy hafn gul nes creu rhaeadr arbennig iawn gyda choed ffawydd, bythwyrdd a bedw yn y cefndir.
Llwybr Sain Tref Llandudno

Cyfeiriad

Llandudno, Conwy, LL30 2LS

Llandudno

Dyma lwybr sain hunan-dywysedig hawdd 3 milltir o hyd a grëwyd gan Y Gymdeithas Ddaearyddol Frenhinol gydag IBG.
Sgôr Teithwyr TripAdvisor
266 adolygiadau
Cronfa Ddŵr a Chanolfan Ymwelwyr Llyn Brenig

Cyfeiriad

Alwen, Cerrigydrudion, Conwy, LL21 9TT

Ffôn
01490 389227

llynbrenig@dwrcymru.com

Cerrigydrudion

Diolch i Ddŵr Cymru, mae Llyn Brenig yn ganolbwynt iechyd a lles. Mae’n lle gwych i ymweld ag o i osgoi’r dorf a mwynhau awyr iach wrth i chi gerdded, beicio, pysgota, bwyta ac edmygu’r golygfeydd
Llwybr Beicio Cenedlaethol 5 - Sir Conwy

Cyfeiriad

Holyhead - Chester, Conwy

Holyhead - Chester

Mae rhan Sir Conwy o Lwybr Beicio Cenedlaethol 5 yn mynd â chi ar hyd yr arfordir.
Twyni Cinmel

Cyfeiriad

St Asaph Avenue North, Kinmel Bay, Conwy, LL18 5EQ

cg.cs@conwy.gov.uk

Kinmel Bay

Mae Twyni Cinmel yn rhoi cyfle i chi gerdded neu feicio drwy system dwyni tywod weithredol gan ddilyn y llwybrau.
Oriel y Bae

Cyfeiriad

BayView Shopping Centre, Sea View Road, Colwyn Bay, Conwy, LL29 8DG

Ffôn
07909 893254

baygalleryevents@gmail.com

Colwyn Bay

Oriel gelf a chrefft gymunedol yw The Bay Gallery, sy’n cael ei rhedeg fel elusen fach gan wirfoddolwyr lleol, gan gynnig cyfle i arlunwyr lleol arddangos a gwerthu eu gwaith. Mae’n cynnal dosbarthiadau a gweithdai celf wythnosol hefyd.
Teithiau Cerdded Llanrwst: Llwybr 2 yn cynnwys Coed y Felin

Cyfeiriad

Glasdir, Station Road, Llanrwst, Conwy, LL26 0DF

Llanrwst

Mae'r gylchdaith hon yn cychwyn o dref farchnad Llanrwst ac yn mynd â chi trwy goetir hynafol Coed y Felin Llanddoged i bentref Llanddoged ac yna byddwch yn dilyn llwybrau ar draws tir fferm gyda golygfeydd godidog o Eryri a Dyffryn Conwy.
Pwll Nofio Llanrwst

Cyfeiriad

Watling Street, Llanrwst, Conwy, LL26 0LS

Ffôn
0300 4569525

hamdden.leisure@conwy.gov.uk

Llanrwst

Pwll 20 metr, 4 lôn yw Pwll Nofio Llanrwst. Mae'r pwll nofio yn cynnig nifer amrywiol o sesiynau nofio i'r cyhoedd a rhaglen gwersi nofio helaeth ar gyfer pob oedran.
Taith Ucheldir Huw Tom - Penmaenmawr i Rowen

Cyfeiriad

New York Cottages, Bangor Road, Penmaenmawr, Conwy, LL34 6LE

Penmaenmawr

Taith gerdded Huw Tom, 6 milltir (9.6 cilomedr) o hyd gyda golygfeydd godidog o Benmaenmawr ar yr arfordir drwy’r mynyddoedd i Rowen, pentref bychan yn Nyffryn Conwy.
Taith y Ddau Lyn

Cyfeiriad

Llanfihangel GM, Conwy, LL21 9UR

Llanfihangel GM

Mae’r daith feicio hon (49cilomedr, dringo 943m) yn mynd o bentref Llanfihangel Glyn Myfyr a thrwy Goedwig Clocaenog i fyny at Gronfa Ddŵr Llyn Alwen ac ymlaen i Lyn Brenig ar hyd lonydd coedwig.