Gwyliau Gwanwyn

Chwilio am wyliau gwanwyn yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Beth sydd ymlaen yn Sir Conwy y gwanwyn hwn?

Trwy gydol y sir, mae’r gwanwyn yn golygu ei bod hi’n ddechrau ar y gwyliau a ffeiriau awyr agored fel Ffair Hadau Conwy sy’n boblogaidd ac sydd wedi cael ei chynnal yn y dref ganoloesol ers dros 700 mlynedd. Caiff y Pasg ei ddathlu gyda helfa wyau Pasg yn nifer o’n hatyniadau, ac os ydych chi’n teimlo’n egnïol, beth am gymryd rhan yn Ras 5km y Pasg ar y Prom yn Llandudno. Cofiwch am Strafagansa Fictoraidd Llandudno eiconig gyda llawer o adloniant am ddim i’r teulu ei fwynhau’r gwanwyn hwn.

Nifer yr eitemau:

Nifer yr eitemau: 134

, wrthi'n dangos 1 i 20.

1
2
3
4
5
6
7
nesaf

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Taith Llyn Elsi trwy Goedwig Gwydir

Cyfeiriad

St Mary's Church, Betws-y-Coed, Conwy, LL24 0AL

Betws-y-Coed

Mae’r daith hon yn cychwyn o Eglwys y Santes Fair yng Ngwydyr ac yn dringo trwy’r coetir nes cyrraedd Llyn Elsi lle ceir golygfeydd gwych tuag at Foel Siabod a’r Carneddau.
Sgôr Teithwyr TripAdvisor
706 adolygiadau
Amgueddfa’r Home Front Experience

Cyfeiriad

New Street, Llandudno, Conwy, LL30 2YF

Ffôn
01492 871032

info@homefrontmuseum.co.uk

Llandudno

Dewch i Amgueddfa’r Home Front i gamu’n ôl mewn amser - i’r 1940au ym Mhrydain. Yn yr amgueddfa unigryw ac annibynnol hon, cewch brofi a thywys eich hunain o amgylch golygfeydd a synau bywyd dinesig yn ystod yr Ail Ryfel Byd.
Taith Ucheldir Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Taith gron 4.5 milltir (7 cilomedr) o hyd o dref Llanfairfechan at odre mynyddoedd y Carneddau, drwy dirlun sy’n llawn nodweddion archaeolegol yn dyddio o Oes y Cerrig.
Capel Gwydir Uchaf

Cyfeiriad

Tyn y Coed Gwydyr, Llanrwst, Conwy, LL26 0PN

Ffôn
01492 641687

info@gwydircastle.co.uk

Llanrwst

Dechreuwyd gwaith adeiladu’r capel ym 1673, ac mae tu allan carreg syml y capel yn rhoi camargraff o’r tu mewn. Lle moethus ydyw sy’n cyfuno steiliau Gothig a Dadeni, gyda phulpud wedi’i addurno â ffigurau cerfiedig.
Cabannau Traeth Penmaenmawr

Cyfeiriad

The Beach Café, The Promenade, Penmaenmawr, Conwy, LL34 6ED

Ffôn
01492 623885

nicola7nicky@gmail.com

Penmaenmawr

Wedi’u lleoli mewn ardal drawiadol ar arfordir Gogledd Cymru nepell o’r A55. Gyda golygfeydd gwych o Ynys Môn ac Ynys Seiriol, mae traeth Penmaenmawr yn lleoliad poblogaidd iawn gydag ymwelwyr a thrigolion lleol.
Capel Seion

Cyfeiriad

Rowen, Conwy, LL32 8YT

Ffôn
07842 980415

Rowen

Mae Capel Seion yn enghraifft wych o gapel traddodiadol Cymreig a adeiladwyd yn ystod oes aur adeiladu capeli yn y 19eg Ganrif (1819).
Gwyliau Beicio Gogledd Cymru

Cyfeiriad

Conwy

Ffôn
07919151759

northwalescyclingholidays@yahoo.com

Conwy

Ymunwch â ni yn Gwyliau Beicio Gogledd Cymru am ddau ddiwrnod o feicio ffordd di-dor.
Rydym wedi cynllunio eich taith i archwilio tirweddau syfrdanol a chefn gwlad hardd.
Taith Pererin Gogledd Cymru

Cyfeiriad

Conwy, LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli.
Teithiau Cerdded Ardal Llandudno

Cyfeiriad

Llandudno, Conwy, LL30 2RP

Ffôn
01492 575290

cg.cs@conwy.gov.uk

Llandudno

Rydym ni wedi rhestru tair taith sy’n mynd â chi o gwmpas Llandudno a’r fro. Mae’r llwybrau isod yn mynd â chi o Landudno i Ddeganwy, Ochr y Penrhyn, Nant y Gamar, Trwyn y Fuwch a’r Gogarth.
Canolfan Cadwraeth a Gwarchod Natur Pensychnant

Cyfeiriad

Sychnant Pass, Conwy, Conwy, LL32 8BJ

Ffôn
01492 592595

jpt.pensychnant@btinternet.com

Conwy

Ar 150 erw o dir, gallwch fwynhau heddwch Pensychnant. Adeiladwyd o fewn Bwlch Sychnant gyda golygfeydd o Fynyddoedd y Carneddau, gallwch gerdded adfeilion canoloesol, rhostir a mwynhau cân y frân goesgoch ac ehedyddion.
Llanrwst a Thu Hwnt trwy Ffos Anoddun - Taith Feicio ar y Ffordd

Cyfeiriad

Llanrwst, Conwy, LL26 0AD

allmail@cyclingnorthwales.co.uk

Llanrwst

Taith o tua 15 milltir (24 km) gyda llethrau cymedrol trwy bentrefi Betws-y-Coed, Penmachno, Capel Garmon, heibio i geunant Ffos Anoddun gyda golygfeydd gwych.
Tramffordd y Gogarth

Cyfeiriad

Victoria Station, Church Walks, Llandudno, Conwy, LL30 2NB

Ffôn
01492 577877

tramwayenquiries@conwy.gov.uk

Llandudno

Mae Tramffordd y Gogarth yn Llandudno, gyda’i ysblander Fictoraidd a’i swyn yn aros i fynd â chi ar daith un filltir bictiwrésg, fythgofiadwy, i gopa Parc Gwledig a Gwarchodfa Natur y Gogarth.
Pysgota yn Llyn Brenig

Cyfeiriad

Llyn Brenig Visitor Centre, Cerrigydrudion, Corwen, Conwy, LL21 9TT

Ffôn
01490 389222

llyn.brenig@dwrcymru.com

Corwen

Mae Llyn Brenig yn adnabyddus am ei harddwch a’i ddewis eang o weithgareddau awyr agored, yn cynnwys pysgota plu ardderchog. Mae’r llyn 920 acer o faint yn cael ei stocio â brithyll seithliw, sy’n cael eu magu ar y safle.
Llandudno’n Cosi’ch Chwilfrydedd

Cyfeiriad

Yn dechrau/Starts - Llandudno Station, Augusta Street, Llandudno, Conwy, LL30 2AD

Ffôn
07876 711436

info.llandudno@curiousabout.co.uk

Llandudno

Ydi Llandudno yn cosi’ch chwilfrydedd? Ydych chi’n chwilio am weithgaredd anarferol i’w wneud yn yr awyr agored beth bynnag fo’r tywydd? Os ydych chi, beth am gael hwyl yn darganfod mwy am Landudno drwy ddilyn dwy daith dreftadaeth.
Sgôr Teithwyr TripAdvisor
13 adolygiadau
Mynydd Sleddog Adventures Ltd

Cyfeiriad

South Alwen Forest, Bwlch Hafod Einion, Cerrigydrudion, Conwy, LL21 9TE

Ffôn
01745 777022

howl@mynyddsleddogadventures.com

Cerrigydrudion

Anturiaethau Mynydd Sleddog yw’r atyniad cyntaf cŵn tynnu sled yng Nghymru. Mae’r atyniad unigryw yma yn cynnig y cyfle i unigolion, teuluoedd a grwpiau i fwynhau antur cŵn yn tynnu sled.
Plas Mawr

Cyfeiriad

High Street, Conwy, Conwy, LL32 8DE

Ffôn
03000 252239

PlasMawr@gov.wales

Conwy

Plas Mawr yw’r tŷ tref Elisabethaidd gorau ym Mhrydain. Lleolir yng Nghonwy, cartref un o gestyll Edward I, mae Conwy y lle perffaith i’r sawl sy’n caru hanes.
Castell Gwydir

Cyfeiriad

Llanrwst, Conwy, LL26 0PN

Ffôn
01492 641687

info@gwydircastle.co.uk

Llanrwst

Mae Castell Gwydir yn dŷ Cymreig hynafol yn harddwch Dyffryn Conwy, ar odre Eryri. Caiff ei ystyried yn un o’r tai Tuduraidd gorau yng Nghymru, ac arferai’r castell fod yn gartref i hynafiaid y teulu Wynn pwerus.
Teithiau Cerdded Llanrwst: Llwybr 2 yn cynnwys Coed y Felin

Cyfeiriad

Glasdir, Station Road, Llanrwst, Conwy, LL26 0DF

Llanrwst

Mae'r gylchdaith hon yn cychwyn o dref farchnad Llanrwst ac yn mynd â chi trwy goetir hynafol Coed y Felin Llanddoged i bentref Llanddoged ac yna byddwch yn dilyn llwybrau ar draws tir fferm gyda golygfeydd godidog o Eryri a Dyffryn Conwy.
Clwb Golff Penmaenmawr

Cyfeiriad

Conwy Old Road, Penmaenmawr, Conwy, LL34 6RD

Ffôn
01492 623330

clubhouse@pengolf.co.uk

Penmaenmawr

Fe gewch hyd i Glwb Golff Penmaenmawr ar ffin Parc Cenedlaethol Eryri yn swatio wrth droed Bwlch Sychnant mewn lleoliad godidog rhwng y mynyddoedd a’r môr.
Cyfadeilad Copa'r Gogarth

Cyfeiriad

Great Orme Country Park, Llandudno, Conwy, LL30 2XF

Ffôn
01492 860963

enquiries@thesummitcomplex.co.uk

Llandudno

O’r lleoliad trawiadol hwn, mae’r Summit Complex yn cynnig golygfeydd aruthrol i chi o Landudno, ardaloedd o Barc Cenedlaethol Eryri, Ynys Môn a Môr Iwerddon.