Croeso i Gŵn

Lleoedd i fwyta yng Ngogledd Cymru sy’n croesawu cŵn

Eisiau mwynhau tamaid o ginio gyda’ch cyfaill pedair coes? Mae gan Sir Conwy lwyth o gaffis, tafarndai a bwytai a fydd yn rhoi croeso cynnes i chi a’ch ci.

Gwyliau gyda’ch cyfeillion pedair coes

Mae cŵn yn rhan enfawr o unrhyw deulu, felly mae’n hawdd deall pan mae un rhan o dair o’r boblogaeth yn cynllunio eu gwyliau i siwtio’r ci. Gyda mwy a mwy o bobl yn cael cŵn, mae mwy a mwy o ddarparwyr bwyd a diod yn addasu trwy ganiatáu cŵn y tu mewn a’r tu allan i’w safleoedd – a rhai hyd yn oed yn cynnig prydau i’ch cyfaill, y ci! Felly p’un a ydych chi’n chwilio am damaid sydyn i’w fwyta cyn crwydro ein sir braf, neu os ydych chi eisiau rhywbeth i gael nerth ar ôl bod yn un o’n hatyniadau arbennig, fe wnawn ni eich helpu chi i ddod o hyd i’r lle perffaith i fwyta yn ein hardal.

Ychydig o ysbrydoliaeth...

O gaffis glan y môr traddodiadol a thafarndai llawn cymeriad i barciau unigryw i gŵn. Mae ystod eang o fwytai a chaffis yn Sir Conwy i chi a’ch hanifeiliaid anwes annwyl eu mwynhau.

I fwynhau rhywbeth i’w fwyta wrth fwynhau hanes tref lan y môr Fictoraidd Llandudno, ewch draw i dafarn y King’s Head. Dyma’r dafarn hynaf yn Llandudno ac mae tân coed braf ynddi – yr union beth i gynhesu ar ôl bod am dro yng ngwynt y gaeaf.

Gallech hefyd ddewis crwydro oddi wrth yr arfordir i’r ystafell de yn Llanrwst rydych chi’n siŵr o fod wedi’i gweld mewn lluniau. Mae Tu Hwnt i’r Bont yn ystafell de sydd wedi ennill gwobrau ac sy’n enwog am ei sgons o rysáit arbennig. Mae croeso i gŵn y tu allan i’r caffi, felly gallwch chi a’ch cyfaill pedair coes fwynhau gweld y Winwydden Virginia sy’n tyfu dros yr ystafell de ac sy’n trawsnewid y lle gyda threigl y tymhorau.

Am y trît mwyaf ar ôl tipyn o ymarfer corff yn y parc i gŵn, ewch i’r caffi sydd ar safle Pet Place. Mae danteithion ar gael yno i chi a’ch ci!

Lluniwch eich amserlen

Cymerwch olwg ar ein rhestr isod ac ychwanegwch eich hoff leoedd bwyta chi i amserlen eich gwyliau gan ddefnyddio ein hadnodd cynllunio defnyddiol. Os oes arnoch chi angen mwy o gyngor am unrhyw un o’r lleoedd sydd ar y rhestr, cysylltwch â thîm cyfeillgar ein canolfan groeso ar 01492 577577.

Efallai y bydd gennych chi ddiddordeb hefyd mewn…

• Dog friendly pub walks