Abergele a Phensarn

Ydych chi’n chwilio am leoedd i aros yn Abergele a Phensarn? Ydych chi’n breuddwydio am wyliau mewn tref glan y môr swynol? Gallwn eich helpu i ddarganfod yr holl wybodaeth sydd ei hangen arnoch i drefnu eich ymweliad nesaf.

Mae traethau tywodlyd tawel yn Abergele a Phensarn, yn agos at safleoedd hanesyddol a bryniau coediog. Oddi yma, gallwch ddianc rhag straen bywyd bob dydd. Gallwch fwynhau golygfeydd o’r môr, lleoedd hanesyddol fel Castell Gwrych (lleoliad cyfres deledu ITV, I’m a Celebrity 2020), ac amrywiaeth o bethau i’w gwneud gan ddifyrru’r teulu i gyd.

Dod o hyd i leoedd i aros yn Abergele a Phensarn

Ydych chi am fwynhau gwyliau mewn carafán wrth lan y môr gyda’r plant? Neu a fyddai’n well gennych aros mewn gwesty neu lety gwely a brecwast clyd a rhamantus? Pa bynnag un fyddai’n well gennych chi, gallwn eich helpu i ddarganfod y lleoedd perffaith i aros yn Abergele a Phensarn.

Gallwch ddewis aros yn un o’r nifer o feysydd carafanau yn Abergele fel Maes Carafanau The Beach, Parc Gwyliau Tŷ Gwyn, ac SF Parks. Mae amrywiaeth eang o gyfleusterau ar gael yn y meysydd carafanau, fel bwytai a bariau ar y safle, gweithgareddau i blant ac ystafelloedd gemau i deuluoedd. Dyma’r lle perffaith i ddifyrru’r teulu i gyd!

Neu beth am ddarganfod llety gwely a brecwast neu westy clyd i fwynhau gwyliau rhamantus yng nghefn gwlad Cymru? Gallwch dreulio’r noson mewn llety gwely a brecwast neu westy hamddenol a deffro’r bore wedyn i weld golygfeydd o’r môr. Beth am fwynhau brecwast llawn cyn mynd i grwydro yn ein cefn gwlad hardd? Gyda chynifer o lety gwely a brecwast a gwestai ar hyd arfordir Gogledd Cymru i ddewis ohonynt, mae digonedd o leoedd ar gael i chi.

Pethau i’w gwneud

Mae Pensarn yn rhan o Abergele lle gallwch fynd i lan y môr. Mae traeth tywodlyd, gyda phrom, arcedau a chaffis yno. Os ydych chi’n teimlo’n egnïol, gallwch feicio neu gerdded oddi yma ar y llwybr tua’r gorllewin tuag at Fae Colwyn neu tua’r dwyrain i Fae Cinmel.

Mae Abergele yn dref hyfryd, ychydig i mewn o lan y môr. Ar hyd y bryniau mae caerau o Oes yr Haearn, ac roedd y dref unwaith yn dref fasnachu Rhufeinig a marchnadfa ganoloesol.

Gallwch fynd yn ddyfnach i hanes Cymru yng Nghastell Gwrych. Y castell hardd hwn sy’n 200 mlwydd oed yw safle newydd cyfres deledu I’m a Celebrity…Get Me Out Of Here 2020. Fe adeiladwyd y castell rhwng 1812 ac 1822. Ym 1946, cafodd ei werthu gan y teulu Dundonald. Dywedir bod ysbryd Iarlles Dundonald yn dal i grwydro’r castell hyd heddiw ac mae sawl un wedi gweld dynes mewn gwyn!

Mae Abergele yn fan cychwyn da i grwydro Gogledd Cymru i gyd. Mae’n agos at brif gyrchfannau a rhosydd Mynydd Hiraethog. Mae bryniau coediog yn dechrau ychydig y tu allan i’r dref, ac mae golygfeydd gwych yn ôl i’r arfordir. Mae un o’r teithiau cerdded lleol yn mynd â chi at Tower Hill, sef tŵr gwylio Elisabethaidd a oedd yn amddiffyn yr arfordir rhag môr-ladron, fel y tybiwyd.

Mae Clwb Golff Abergele yn gwrs parcdir hyfryd 18 twll. Caiff ei adnabod fel un o’r cyrsiau golff â’r mwyaf o olygfeydd yng Nghymru, ac mae’n nodedig am ei griniau esmwyth, sych, a’r ffaith fod modd chwarae yno trwy gydol y flwyddyn.

Sut i drefnu eich gwyliau nesaf

Mae modd darganfod lleoedd i aros a phethau i’w gwneud yn Abergele a Phensarn drwy chwilio ein rhestr ar waelod y dudalen hon. Os hoffech ragor o helpu i gynllunio eich gwyliau, gallwch ffonio ein tîm ar 01492 577577.

I gael mwy o wybodaeth am Abergele, cliciwch yma.

Nifer yr eitemau:

Nifer yr eitemau: 34

, wrthi'n dangos 21 i 34.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

The Gift Shop

Cyfeiriad

49 Water Street, Abergele, Conwy, LL22 7SN

Ffôn
01745 827663

Abergele

Anrhegion hardd ac anghyffredin a/neu roddion i chi ar gael yn lleol am brisiau gwych. Eitemau newydd bob wythnos, galwch heibio i gael golwg, dim pwysau i brynu!
Canolfan Hamdden Abergele

Cyfeiriad

Faenol Avenue, Abergele, Conwy, LL22 7HT

Ffôn
0300 4569525

hamdden.leisure@conwy.gov.uk

Abergele

Mae digon i'w wneud yng Nghanolfan Hamdden Abergele gyda phwll nofio, neuadd chwaraeon, campfa ac amserlen dosbarthiadau ffitrwydd amrywiol.
Cylchdaith i Feiciau o Abergele i Lan Sain Siôr

Cyfeiriad

Pensarn Beach, Abergele, Conwy, LL22 7PP

Abergele

Cylchdaith tua 20 cilomedr o hyd yn bennaf ar hyd lonydd gwledig, ond mae rhai darnau ar ffyrdd geirw ac oddi ar y ffordd ar lwybrau yn y goedwig, yn dechrau o faes parcio Traeth Pensarn.
Dulas Taxis

Cyfeiriad

Llanddulas, Abergele, Conwy, LL22 8HF

Ffôn
0800 3280821

Abergele

Gwasanaeth tacsi ar gyfer Llanddulas a’r ardaloedd cyfagos.
Pensarn Pleasure Beach

Cyfeiriad

Pensarn, Abergele, Conwy, LL22 7PP

Ffôn
07789 347085

sia920@aol.com

Abergele

Arcêd Adloniant a chanolfan adloniant i deuluoedd ar y promenâd yn Abergele.
GolffDroed Silver Birch

Cyfeiriad

Silver Birch Golf Club, Betws-yn-Rhos, Abergele, Conwy, LL22 8BZ

Ffôn
01492 680690

info@callaleisuregroup.co.uk

Abergele

Golffdroed - Golff gyda pheli mwy! Mae golffdroed yn cyfuno'r gorau o ddwy gamp genedlaethol, pêl-droed a golff.
Llwybr Beicio Cenedlaethol 5 - Sir Conwy

Cyfeiriad

Holyhead - Chester, Conwy

Holyhead - Chester

Mae rhan Sir Conwy o Lwybr Beicio Cenedlaethol 5 yn mynd â chi ar hyd yr arfordir.
Bwthyn Gwyliau Henblas

Cyfeiriad

Henblas Farm, Tan-y-Gopa Road, Rhyd-y-Foel, Abergele, Conwy, LL22 8DT

Ffôn
01492 515250

ej.jacobs@btopenworld.com

Abergele

Croeso i Fwthyn Gwyliau Henblas. Wedi ei leoli uwch hen dref farchnad Abergele a’i amgylchynu gan gaeau a choetiroedd, mae Bwthyn Gwyliau Henblas yn y lleoliad perffaith ar gyfer archwilio’r ardal.
Traeth Abergele Pensarn

Cyfeiriad

Promenade, Abergele, Conwy, LL22 7PP

Ffôn
01492 596253

harbour@conwy.gov.uk

Abergele

Mae’r traeth cerrig mân hyfryd hwn gyda’i bromenâd, yn wych ar gyfer cerdded yn hamddenol ar gyfer y promenâd, sydd hefyd yn addas i ddefnyddwyr cadeiriau olwyn.
Amgueddfa Syr Henry Jones

Cyfeiriad

Y Cwm, Llangernyw, Abergele, Conwy, LL22 8PR

Ffôn
01745 860630

syrhenryjones@hotmail.com

Abergele

Cartref plentyndod Syr Henry Jones (1852-1922) yw’r amgueddfa. Ganwyd Syr Henry Jones i bobl gyffredin ond fe ddyrchafodd i fod yn Athro enwog ar Athroniaeth Foesol ym Mhrifysgol Glasgow ac roedd yn ddylanwad pwysig ar system addysg Cymru.
Pysgodfa Brithyll Tan-y-Mynydd

Cyfeiriad

Moelfre, Abergele, Conwy, LL22 9RF

Ffôn
01745 826722

fishinglodge@tan-y-mynydd.co.uk

Abergele

Mae Tan-y-Mynydd yn hafan bysgota brithyllod. Mae’r tiroedd yn cael eu cynnal a’u cadw fel pin mewn papur ac mae’r bysgodfa mewn ardal o gefn gwlad hygyrch, hardd a thawel yng Ngogledd Cymru.
Clwb Golff Abergele

Cyfeiriad

Tan y Gopa Road, Abergele, Conwy, LL22 8DS

Ffôn
01745 824034

admin@abergelegolfclub.co.uk

Abergele

Mae Clwb Golff Abergele’n glwb golff o ansawdd uchel sy’n agored i bawb. Dywedir mai dyma un o’r cyrsiau harddaf yng Nghymru.
Castell Gwrych

Cyfeiriad

Tan-y-Gopa Road, Abergele, Conwy, LL22 8ET

Ffôn
01745 826023

info@gwrychcastle.co.uk

Abergele

Plasty Gradd I rhestredig yng Ngogledd Cymru yw Castell Gwrych a adeiladwyd ddechrau’r 19fed Ganrif mewn arddull pensaernïol Ewropeaidd canoloesol.
Pen y Bryn Farm and Holiday Cottages

Cyfeiriad

Betws yn Rhos, Conwy, LL22 8PL

Ffôn
07557 878463

penybryncottages@gmail.com

Betws yn Rhos

Mae wedi'i leoli mewn man sydd â dros 25 erw o gefn gwlad hardd Cymru o’i gwmpas ac mae llwybrau cerdded ar garreg ein drws. Rydym ni 3 milltir o Arfordir Gogledd Cymru a’r A55 sy’n ei gwneud yn rhwydd cyrraedd yr atyniadau gorau i gyd.